"აცერთ ჩვენგანს არ ჩამოგვივარდეს არცერთი თმის ღერი" - ელმირა ბეციაშვილი მისი და მისი ოჯახის უსაფრთხოებას ითხოვს

პოლიტიკა - 16:15, 23 Nov, 2018

1253

„ერთიანი ნაციონალური მოძრაობის“ კოორდინატორი, რომლის ეზოშიც გუშინ ე.წ მოლოტოვის კოქტეილები შეყარეს, ინციდენტზე პასუხისმგებლობას გურჯაანის მერს არჩილ ხანდამაშვილს აკისრებს.

ბეციაშვილი აცხადებს, რომ მისი სიცოცხლე დაცული არ არის და მასზე ხელახალი თავდასხმა იგეგმება. იგი გურჯაანის პოლიციას საქმის დროულ გამოძიებასა და დაცვას სთხოვს.

„მე მინდა ამ ყველაფერზე პასუხისმგებლობა დავაკისრო გურჯაანის რაიონის მერს არჩილ ხანდამაშვილს. აიღოს მან პასუხისმგებლობა. ასევე მინდა პასუხისმგებლობა დავაკისრო რაიონის პოლიციის უფროსს, რადგანაც არ არის უკვე დაცული ჩემი სიცოცხლის უსაფრთხოება, ასევე ჩემი ოჯახის წევრების უსაფრთხოება. არცერთ ჩვენგანს არ ჩამოგვივარდეს არცერთი თმის ღერი, თორემ ამაზე მართლა მკაცრად აგებენ პასუხს. მოვითხოვ, უმკაცრესად იქნეს დასჯილი ყველა ის პიროვნება, ვინც აქ არიან ჩართულები.“ - განაცხადა ელმირა ბეციაშვილმა.

ერთიანი ნაციონალური მოძრაობის პოლიტსაბჭოს წევრი, თელავის რაიონული ორგანიზაციის თავმჯდომარე გიორგი ბოტკოველი აღნიშნავს, რომ ელმირა ბეციაშვილის დაშინებას სხვად ა სხვა ხერხებით არაერთხელ ცდილობდნენ.