დანითა და ე.წ სპიცით დაჭრილი ვაშაძის საარჩევნო შტაბის უფროსი

დანითა და ე.წ სპიცით დაჭრილი ვაშაძის საარჩევნო შტაბის უფროსი - ნოდარ ბურდილაძის მდგომარეობა მძიმეა

პოლიტიკა - 12:44, 23 Nov, 2018

928

გრიგოლ ვაშაძის საარჩევნო შტაბის უფროსი მართვით სუნთქვაზეა. ნოდარ ბურდილაძის ჯანმრთელობის მდგომარეობა კვლავ მძიმეა. ოჯახის წევრთა ინფორმაციით, მას მაღალი ტემპერატურა აღენიშნება.

ნოდარ ბურდილაძრ 7 საათანი უმძიმესი ოპერაციის შემდეგ, თერჯოლის საავადმყოფოდან თბილისში, ღუდუშაურის კლინიკაში გადმოიყვანეს.

„ეს არის ივანიშვილის დამკვიდრებული სტანდარტი, როდესაც კრიმინალი არის ხელშეწყობილი და წახალისებული, არის დაუსჯელობის სინდრომი, ხდება პოლიტიკურ ოპონენტებზე პოლიტიკური ანგარიშსწორება. გვახსოვს ახალქალაქი, კახეთი, რაჭა. ეს არის შეშინებული ადამიანების ქმედება, რადგან „ქართულ ოცნებას“ ადარდებს ძალაუფლების შენარჩუნება და მათი დაკარგვის შიში ამოძრავებთ,“ - განაცხადა გაერთიანებული ოპოზიციის წარმომედგენელმა, ოთარ სირაძემ.

სირაძის თქმით, მომხდარი ფაქტის დროს გამოყენებულია ცივი იარაღი- დანა და ე.წ. სპიცი.

„ბუნებრივია, ჩვენც ესე ვვარაუდობთ, რომ არ შეიძლება ერთ ადამიანს ჰქონოდა ორი სხვადასხვა ტიპის იარაღი და ერთდროულად გამოეყენებინა. ამიტომ, ამ კონფლიქტში მონაწილეობდა ერთი ნოდარ ბურდულაძე და ორი ის ადამიანი, ვისგანაც მიიღო მან ეს დაზიანებები და ჭრილობები. ამიტომ, ეს გამოძიებისთვის, არ უნდა იყოს დიდი სირთულე, ამის გამოძიება,“ - განაცხადა ოთარ სირაძემ.

”გაერთიანებული ოპოზიციის” ონის რაიონული ორგანიზაციის წევრი, შოთა ჯაფარიძის თქმით დაშავებულს ჭრილობა გულ-მკერდში და მენჯის ძვალზე აქვს მიყენებული.

ონის, გრიგოლ ვაშაძის საარჩევნო შტაბის უფროსს „ქართული ოცნების“ აქტივისტები ორი დღის წინ საკუთარ სახლთან გაუსწორდნენ და ჭრილობები ცივი იარაღით მიაყენეს.