არ მოდიხართ არჩევნებზე, მაშინ თქვენ გნებავთ ივანიშვილი, მოდიხართ არჩევნებზე, თქვენ გნებავთ დემოკრატიული სახელმწიფო

არ მოდიხართ არჩევნებზე, მაშინ თქვენ გნებავთ ივანიშვილი, მოდიხართ არჩევნებზე, თქვენ გნებავთ დემოკრატიული სახელმწიფო - ვაშაძის მიმართვა ამომრჩეველს

პოლიტიკა - 10:15, 23 Nov, 2018

1028

გაერთიანებული ოპოზიციის საპრეზიდენტო კანდიდატმა, გადაცემა „არჩევანის“ ეთერიდან მოსახლეობას მიმართა და არჩევნებში აქტიურობისკენ მოუწოდა. გრიგოლ ვაშაძის თქმით, არჩევნებში მონაწილეობა აუცილებელია, თუ მოსახლეობას სურს დემოკრატიულ, განვითარებულ სახელმწიფოში ცხოვრება.

„გაერთიანებულ ოპოზიციას და მის მხარდამჭერ პარტიებს სურს, დაიწყონ სახალხო პარტიების მშენებლობა. თქვენს გარეშე ეს შეუძლებელია. ამიტომ, არ მოდიხართ არჩევნებზე, მაშინ თქვენ გნებავთ ივანიშვილი. მოდიხართ არჩევნებზე, თქვენ გნებავთ დემოკრატიული, განვითარებული სახელმწიფო. ძვირფასო მეგობრებო, რა ძლევამოსილიც არ უნდა იყვნენ პოლიტიკური პარტიები საქართველოში, რა ძლევამოსილიც არ უნდა იყვნენ არასამთავრობო ორგანიზაციები, რა ქარიზმატული, განათლებული არ უნდა იყვნენ კანდიდატები, რომლებიც ამა თუ იმ პოსტისთვის იბრძვიან, ეს ქვეყანა გეკუთვნით თქვენ. სანამ, თქვენ არ დაიჯერებთ, არ ირწმუნებთ და არ იცხოვრებთ მარტივი ლოზუნგით, რომ ბიუროკრატი არ გაინძრევა სანამ არ ეცოდინება, რომ ქვეყნის მართვას თქვენ სერიოზულად უყურებთ და აპირებთ, სანამ თქვენ ბიულეტენს არ გამოიყენებთ დანიშნულებისამებრ და არ დაიჯერებთ, რომ ამ მომენტში წყდება თქვენი შვილების, შვილიშვილების, ოჯახების, ნათელმირონის მომავალი 4 წლის ბედი, სანამ თქვენ არ გეცოდინებათ, რომ თქვენი არჩევანი წყვეტს იცხოვრებთ თუ არა მევახშეების და ნარკოპლანტატორების ქვეყანაში თუ იცხოვრებთ იმ ქვეყანაში, რომელიც დაეწევა დემოკრატიულ, განვითარებულ ქვეყნებს, რომელიც 22-ე საუკუნეში მიდიან 21-დან და თუ თქვენ არ დაიჯერებთ, რომ დემოკრატია არის ისევე საჭირო, როგორც ჟანგბადი, ჩვენ დავრჩებით სადაც ვართ და თქვენ თუ ამას დაიჯერებთ, დამიჯერეთ, ის წარმატება, რომელიც დასავლეთ ევროპას, აშშ-ს, ავსტრალიას, ახალ ზელანდიას, იაპონიას აქვს, ეს ყველაფერი არის დემოკრატიის შედეგი.“ - განაცხადა გრიგოლ ვაშაძემ.