წარჩინებული მოსწავლეების დაჯილდოება აჭარის რეგიონით დასრულდა. სწავლაში მიღწეული წარმატებისთვის 2018-2019 სასწავლო წელს საქართველოს მასშტაბით 2971 წარჩინებული მოსწავლე დაჯილდოვდა.

ბათუმის მუსიკალურ ცენტრში აჭარაში მცხოვრებ 267 წარჩინებულ მოსწავლეს პერსონალური კომპიუტერები გადაეცა. წარმატებულ მოსწავლეები, სსიპ საგანმანათლებლო და სამეცნიერო ინფრასტრუქტურის განვითრების სააგენტოს უფროსმა ზვიად როსტომაშვილმა, აჭარის განათლების, კულტურისა და სპორტის მინისტრმა ინგა შამილიშვილმა, აჭარის უმაღლესი საბჭოსთავმჯდომარემ დავით გაბაიძემ, განათლების, მეცნიერების, კულტურისა და სპორტის საკითხთა კომისიის თავმჯდომარემ ვლადიმერ მგალობლიშვილმა, ბათუმის საკრებულოს თავმჯდომარემ სულიკო თებიძემ და ქ. ბათუმის მერის მოადგილემ ლელა სურმანიძემ დააჯილდოვეს.

მოსწავლეთა წახალისების პროექტი, რომელსაც საქართველოს განათლების, მეცნიერების, კულტურისა და სპორტის სამინისტრო 2009 წლიდან ახორციელებს, მიზნად ისახავს მოსწავლეთა მოტივაციის ამაღლებასა და სწავლის პროცესში ტექნოლოგიების გამოყენების ხელშეწყობას. თანამედროვე ტექნოლოგიებზე ხელმისაწვდომობის გაზრდა ნიჭიერ და შრომისმოყვარე მოზარდებს წარმატების მიღწევის კიდევ უფრო მეტ შესაძლებლობას აძლევს.

პროგრამის ბენეფიციარებად განისაზღვრნენ საჯარო სკოლის მოსწავლეები, რომლებმაც საბაზო საფეხური (მე-7, მე-8 და მე-9 კლასები) წარჩინებით დაამთავრეს და მათი საფეხურის ნიშანია 10 ქულა (დამრგვალების გარეშე).

facebook გვერდის ლინკი . https://www.facebook.com/ESIDA.info/