"ჩატაევი საქართველოში ჩვენ არ შემოგვიყვანია, წინა ხელისუფლებამ შემოიყვანა..."

"ჩატაევი საქართველოში ჩვენ არ შემოგვიყვანია, წინა ხელისუფლებამ შემოიყვანა..." - ირაკლი ჩიმაკაძე

პოლიტიკა - 16:38, 22 Nov, 2018

1356

ანტიტერორისტული ცენტრის ხელმძღვანელი ირაკლი ჩიმაკაძე, ანტირეტორისტული სპეცოპერაციის შედეგად, თბილისში, ბერი გაბრიელ სალოსის ქუჩაზე ლიკვიდირებული აჰმედ ჩატაევის საქართველოში შემოსვლაზე პასუხისმგებლობას საქართველოს წინა ხელისუფლებას აკისრებს.

ჩიმაკაძე წინა ხელისუფლების ეარმომადგენლებს ჩატაევთან თანამშრომლობაში ადანაშაულებს.

რაც შეეხება ჩატაევის ციხიდან გათავისუფლებას, ჩიმაკაძის თქმით, „ქართული ოცნების“ ხელისუფლებამ ის მხოლოდ იმიტომ გაათავისუფლა, რომ წინა ხელისუფლებამ ბრალი არასწორი მუხლით წარუდგინა.

ჩიმაკაძე ამბობს, რომ ჩატაევი 2017 წელს საქართველოში არალეგალურად შემოვიდა და მის ქვეყანაში შემოსვლაზე პასუხისმგებლობას საკუთარ თავზე არ იღებს.

ჩიმაკაძის თქმით, ინფორმაცია, რომ ჩატაევის თანამზრახველები ინტერპოლით ძებნილი პირები საქართველოში ორი წლის მანძილზე იმყოფებოდნენ სიცრუეა.

„წინა ხელისუფლება თანამშრომლობდა ჩატაევთან. მაქვს უამრავი ფაქტი. მაგრამ ვერ გავასაჯაროებ. არ ვიცი ამ თემაზე გამოძიება მიმდინარეობს თუ არა. რატო გაათავისუფლა?-იმიტომ რომ არასწორი მუხლით იყო დაკავებული.

როგორ შემოვიდა საქართველოში?-ვინ შემოიყვანა?- წინა ხელისუფლებამ. 2010 წელს შემოვიდა პირველად, ბოლოს არალეგალურად შემოვიდა,ჩვენ არ შემოგვიყვანია, ეს დამტკიცებულია, ყველანაირი მტკიცებულება წარვადგინეთ, მათ შორის იმ მოწმეების ვინც მონაწილეობდა ტრანსპორტირებაში. სულ რაღაც 20 დღე იმყოფებოდა საქართველოში,“-ამბობს ჩიმაკაძე.