"ონში "ოცნების" აქტივისტების მიერ დაჭრილი გრიგოლ ვაშაძის შტაბის ხელმძღვანელის მდგომარეობა მძიმეა"

"ონში "ოცნების" აქტივისტების მიერ დაჭრილი გრიგოლ ვაშაძის შტაბის ხელმძღვანელის მდგომარეობა მძიმეა" - ნიკა მელია

პოლიტიკა - 15:53, 22 Nov, 2018

1257

"ერთიანი ნაციონალური მოძრაობის" პოლიტიკური საბჭოს თავმჯდომარემ, ნიკა მელიამ ონში გრიგოლ ვაშაძის საარჩევნო შტაბის ხელმძღვანელის ნოდარ ბურდილაძის დაჭრის ფაქტზე ისაუბრა.

მელიას ინფორმაციით, საარჩევნო შტაბის ხელმძღვანელი "ქართული ოცნების" აქტივისტებმა დაჭრეს და მისი მდგომარეობა მძიმეა.

"ხელისუფლების ძალმომრეობითი პოლიტიკა, რომელსაც წარმატებით ახორციელებს ივანიშვილის შსს-ს მაღალჩინოსნები და მათთან დაკავშირებული კრიმინალები და თავზეხელაღებული „ქართული ოცნების“ აქტივისტები, სულ უფრო და უფრო მძიმე ფორმებს იღებს, რაც გამოიხატება მძიმე შედეგებშ. გუშინ ღამის 12-ის ნახევარზე ქალაქ ონში გრიგოლ ვაშაძის საარჩევნო შტაბის ხელმძღვანელი, ნოდარ ბურდილაძე იმყოფებოდა საკუთარ საცხოვრებელ სახლში, რა დროსაც მასთან სახლში მივიდა "ქართული ოცნების" ორი აქტივისტი, კახა ისაკაძე და გია მეტრეველი, მაყენეს სიტყვიერი შეურაცხყოფა, რაზეც ოჯახის უფროსს შესაბამისი რეაქცია ჰქონდა და ქართული ოცნების ორმა კრიმინალმა აქტივისტმა უმძიმესი ჭრილობები მიაყენეს ცივი იარაღით მუცლის არეში. სამი ჭრილობა აქვს გრიგოლ ვაშაძის შტაბის ხელმძღვანელს ონში. მძიმე მდგომაროებაში გახლავთ იგი, დაზიანებული აქვს კუჭი და ელენთა და ის ვიდრე მე ვსაუბრობ, ებრძვის სიკვდილს. საავადმყოფოში იგი გააფორმეს როგორც ავტოსაგზაო შემთხვევის დროს დაზარალებული, პარალელურად, მყარდებოდა კონტაქტი ქართული ოცნების ონის მერთან, ემზარ კაპანაძესთან, რომელიც გახლავთ ქალაქ ონში იგივე პერსონა, რაც არის ენზელ მკოიანი ახალქალაქში, ის გახლავთ შს მინისტრის მოადგილის, კახა საბანაძის მამა" - აღნიშნა ნიკა მელიამ.