საკრებულოს ფრაქცია „ნაციონალური მოძრაობა“ კახა კალაძეს 5 პუნქტიან პროგრამას სთავაზობს - ამის შესახებ დღეს საკრბულოს წევრებმა ირაკლი ნადირაძემ და ლევან ხაბეიშვილმა ისაუბრეს.

გეგმაში საუბარია, პირველი- 200 ლარიანი მედიკამენტების ვაუჩერზე თბილისში მცხოვრები ყველა პენსიონერისთვის, მეორე - 150 ლარიან კომუნალურ ვაუჩერზე საშუალო და დაბალი შემოსავლის მქონე ოჯახებისთვის, მესამე - უფასო მგზავრობა სტუდენტებისთვის, მეოთხე - უფასო სასადილოების დაფინანსების გაზრდა და მეხუთე - ინფრასტრუქტურული და გამწვანების ღონისძიებების დაფინანსების ზრდაზე არა ნაკლებ 50 000 000 ლარით.

„შემოიჭირონ რეალურად ქამრები, მინიმუმ გაანახევრონ ბიუროკრატიული ხარჯები ნაცვლად იმისა, რომ 7 მილიონით იზრდება წელს შრომის ანაზღაურება და წარმომადგენლობითი ხარჯები, უარი თქვან სარესტორნო მომსახურეობაზე, უარი თქვან სარესტორნო მომსახურეობაზე, უარი თქვან ფუფუნების საგნებზე, უარი თქვან იმ ავტომობილებით მომსახურეობაზე, რომლებშიც ათობით მილიონ ლარს ხარჯავენ, როგორც შესყიდვაში, ასევე შემდეგ მოვლა პატრონობაში და ასევე მნიშვნელოვანია, როცა საუბარია შრომის ანაზღაურების მუხლის ზრდაზე, თუ ვინმეს უნდა გაეზარდოს ანაზღაურება, ეს ადამიანების არიან მემანქანეები, რომლებსაც წინა წელს კახი კალაძე დაპირდა ზრდას, ეს ადამიანები არიან ავტობუსის მძღოლები, ეს ადამიანები არიან ბაღის პედაგოგები, რომლებიც ფაქტობრივად ასე ვთქვათ ენთუზიაზმით ემსახურებიან ჩვენს შვილებს ბაღებში, შესაბამისად შეთავაზებები, რომელიც გვაქვს ჯამში, არის 120 მილიონი ლარის. დედაქალაქის მთავრობას მარტივად შეუძლია დაზოგოს მინიმუმ 53 მილიონი ლარი ბიუროკრატიული ხარჯები და ასევე ჩვენ ვითხოვთ, ცენტრალური ბიუჯეტიდან ტრანშს იმიტომ, რომ ეს სჭირდება დედაქალაქს" - განაცხადა ლევან ხაბეიშვილმა.