იუსტიციის მინისტრის მორიგი თავდასხმა მესამე სექტორზე - თეა წულუკიანი არ გამორიცხავს, რომ ყალბი პირადობების დამზადების შესახებ არასამთავრობო ორგანიზაციების განცხადების უკან “ერთიანი ნაციონალური მოძრაობა” დგას.

“ძალიან სამწუხარო ფაქტია, რომ სამი არასამთავრობო ორგანიზაცია, სხვა სიტყვა ამას არ ჰქვია, გამოჭერილი იქნა ტყუილში. საიდან მოდის ეს ტყუილი, ჩემთვის პრინციპში, ალბათ, არის ნათელი. მას შემდეგ, რაც ამ არასამთავრობოებმა პროკურატურაში არ და ვერ წარადგინეს მტკიცებულებები, იმიტომ რომ თავად აღიარეს, რომ არ ჰქონდათ, გაჩნდა მოსაზრება, რომ მათ უბრალოდ შესაძლებელია, ამ ტყუილის თქმის შესახებ დავალება “ნაციონალური მოძრაობიდან” მიიღეს. ამ მოსაზრებას აქვს არსებობის უფლება, მაგრამ მე მაინც მგონია, რომ ეს სამი არასამთავრობო ორგანიზაცია არის მსხვერპლი, რადგან ჩემი ვარაუდით, “ნაციონალურ მოძრაობას” სჭრიდებოდა არასამთავრობო რუპორი, რომ საჯაროდ ეთქვა ტყუილი, რათა ეს ტყუილი როგორმე დამაჯერებელი გამხდარიყო”, - განაცხადა წულუკიანმა.