"საქართველოს ვიზალიბერალიზაციას საფრთხე ემუქრება" - ოპოზიცია ევროპარლამენტარების კრიტიკას ეხმაურება და ხელისუფლებას მიმართავს

პოლიტიკა - 10:12, 22 Nov, 2018

870

"საქართველოს ვიზალიბერალიზაციას საფრთხე ემუქრება"- ოპოზიცია ევროპარლამენტარების მხრიდან საქართველოს ხელისუფლების მისამართით გამოთქმულ კრიტიკას ეხმაურება და ფაქტს საგანგაშოს უწოდებს.

„ხელისუფლებას არათუ ახალი მიღწევების განხორციელება არ შეუძლია ევროინტეგრაციის გზაზე, არამედ, საფრთხეს უქმნის იმას, რაც უკვე მიღწეულია. ევროკავშირისთვის ფუნდამენტალურად მნიშვნელოვანია, ეს საპრეზდენტო არჩევნები ჩატარდეს და დასრულდეს დემოკრატიის, თავისუფალი და სამართლიანი არჩევნების ყველა წესის დაცვით “ -ამბობს „ნაციონალური მოძრაობის“ ერთ-ერთი ლიდერი სალომე სამადაშვილი.

„ევროპულ საქართველოში“ კი აცხადებენ, რომ ევროპელი კოლეგების შეშფოთება ლოგიკურია.

„მთელი ეს კასკადი, რასაც ბოლო კვირების განმავლობაში ვუყურებთ, ნიშნავს იმას,რომ ხელისუფლება განგებ არ ატარებს ისეთ არჩევნებს, რომელიც მნიშვნელოვანი იქნებოდა ჩვენი ქვეყნის დემოკრატიისთვის მნიშვნელოვანი იქნებოდა და შეფასდებოდა, როგორც წინგადადგმული ნაბიჯი,“-ამბობს ირაკლი კიკნაველიძე.

”საქართველოს ევროპელი დემოკრატების” თავმჯდომარე პაატა დავითაია ამბობს, რომ თუ საქართველომ ხელისუფლების მიერ არჩეული გზით იარა ევროპასთან მიღწეულ ვიზალიბერალიზაციას საფრთხე შეექმნება.

"როცა ვსაუბრბთ, რომ ჩვენ გვინდა ვიყოთ ევროკავშირის წევრი, ამ ორგანიზაციის წევრობა ნიშნავს დემოკარტიის მაღალ საფეხურზე ასვლას - არჩევნების დემოკრატიულ გარემოში ცატარებას, ნორმალურ პოლიტიკურ გარემოს, მედია თავისუფლებას.

თუ ჩვენ ამ გზით ვიარეთ, არათუ ამ ოჯახის წევრი არ გავხდებით, არამედ დავკარგავთ ასოცირებულ წევრობასაც, პრობლემები შეექმნება ვიზალივერალიზაციასაც"- ამბობს ფაცითაია.