ექსპერტი თორნიკე შარაშენიძე "ქართული ოცნების" თავმჯდომარის გუშინდელ ინტერვიუს აფასებს.

მისი თქმით, ივანიშვილმა ყველაზე უკეთ იცის, რომ ზურაბიშვილი მისთვის პრობლემაა, თუმცა სიტყვები უკან ვერ მიაქვს.

შარაშენიძე ასევე გამოეხმაურა ივანიშვილის განცხადებას, რომლის მიხედვით გუნდში პროფესიონალი ადამიანების მიყვანა იგეგმება:

"დარწმუნებული ვარ, თვითონ ყველაზე კარგად ხვდება, რამდენად პრობლემატურია მისთვის სალომე ზურაბიშვილი, მაგრამ უკან ვერ იხევს. თამარ მეფესთან შედარება არის ხერხი, იმ გაგებით, რომ ის ითვლება ძალიან წარმატებულ მმართველად და მას საერთო აქვს სალომე ზურაბიშვილთან - ორივე ქალია. ეს არის და მეტი არაფერი.

მისი ახლანდელი მოქმედი გუნდი, რომლებიც ძირითადად დაკომპლექტებულია მლიქვნელებითა და არაკვალიფიციური კადრებით შეეცდება ნიჭიერი და წესიერი ხალხი არ დაუშვას გუნდში და მეორეა რამდენ ნიჭიერ პროფესიონალს გაუჩნდება სურვილი ითანამშრომლოს "ოცნებასთან", როცა ბევრი ფიქრობს, რომ "ოცნება" პრინციპში დამთავრებულია მხოლოდ დროის საკითხია "ქართული ოცნების" დამარცხება"- აცხადებს თორნიკე შარაშენიძე.