„პაემანი რუსეთთან“ - თბილისში მორიგი რუსული ღონისძიების ჩატარება იგეგმება

პოლიტიკა - 15:05, 21 Nov, 2018

822

21–23 ნოემბერს თბილისში რუსული კინოს ფესტივალი “პაემანი – კინორომანი” გაიმართება.

ღონისძიება ნაწილია ფესტივალისა „პაემანი რუსეთთან“, რომლის მიზანია რუსული კინემატოგრაფიული ხელოვნების პოპულარიზება დსთ-ის ქვეყნებსა და საქართველოში, ისტორიულად ახლობელი ხალხების კულტურული კავშირების განმტკიცება. საინფორმაციო სააგენტო და რადიო „Sputnik–საქართველო“ ფესტივალის საინფორმაციო პარტნიორია.

Sputnik–საქართველოს” მულტიმედიურ პრესცენტრში დაგეგმილია ფესტივალის მონაწილეებისა და ორგანიზატორების პრესკონფერენცია. კინოფესტივალის პროგრამის შესახებ ისაუბრებენ:

ფესტივალის „პაემანი რუსეთთან“ დამფუძნებელი და გენერალური პროდიუსერი ვლადიმირ პიროჟოკი;

ქართველი კინორეჟისორი, სცენარისტი, მწერალი, პედაგოგი ირაკლი კვირიკაძე;

რუსი კინორეჟისორი და სცენარისტი, საბავშვო ჟურნალ „ერალაშის“ სამხატვრო ხელმძღვანელი ბორის გრაჩევსკი;

რუსი პროდიუსერი, კინორეჟისორი, სცენარისტი და მსახიობი, კინოჯგუფის 2ПЛАN2 გენერალური პროდიუსერი ალექსანდრ შეინი;

რუსი მომღერალი და მსახიობი ეკატერინა ბელოცერკოვსკაია;

პოეტი ვაზგენ ოგანესიანი;

კინომსახიობი, მომღერალი ელგუჯა ბურდული

ბოლო პერიოდში თბილისში რამდენიმე რუსული ფორუმი იყო დაგეგმილი, მათი ნაწილი საზოგადოების მხრიდან პროტესტის გამო ჩაიშალა ან შეზღუდულ ფორმატში ჩატარდა.