"ვაშაძის პრეზიდენტობა გამორიცხულია, ვერ მოხდება და არც მოხდება"- ბიძინა ივანიშვილი

პოლიტიკა - 23:50, 20 Nov, 2018

785

„ქართული ოცნების“ თავმჯდომარე დარწმუნებულია, რომ არჩევნებში მათ მიერ მხარდაჭერილი კანდიდატი, სალომე ზურაბიშვილი გაიმარჯვებს. ტელეკომპანია იმედის ეთერში საუბრისას ივანიშვილმა გრიგოლ ვაშაძის გაპრეზიდენტება გამორიცხა და განაცხადა, რომ „ნაციონალურმა მოძრაობამ“ თავისი რესურსი ამოწურა:

„პირველი რაც შემიძლია უკვე, დღეს უკვე შემიძლია ვთქვა, რომ ეგ არ მოხდება გამორიცხულია, ვერ მოხდება და არც მოხდება. წარმოდგენა თუ გინდათ, აქაც ზედმეტად დრამატულად არ ჩანს სიტუაცია, რა თქმა უნდა კარგი არაფერი არ იქნება, კიდევ ერთზე მინდა გავუსვა ხაზი, ის რაც გამომრჩა თქვენს შეკითხვაში, შავსა და თეთრზე როდესაც ისაუბრეთ, რომ იმედია მე ამაში ხელს ვერ გავწვდი, ვერ ჩავერევი იმედია, რომ კონსტრუქციული ოპოზიცია გაჩნდება ამ ქვეყანაში, იმედია, რომ ამ გამარჯვებით საბოლოოდ ამ დესტრუქციულ ძალაზე უარს ვიტყვით და მათაც რესურსი მემგონია აღარ დარჩათ უკვე, რომ იმის იქით... მე ასე მგონია.

მე მესმის ხმები და მოდის, რომ ივანიშვილი სპეციალურად აკეთებს, რომ ნაცები დაიყენოს წინ და ივლიან გამარჯვებული, ღმერთმა დამიფაროს მასეთი მცდელობისგან, არა, უნდა იყოს უკეთესსა და კარგს შორის არჩევანი და ეს არ არის მარტივი თემა, იმედი მაქვს, რომ ეს დესტრუქციული ძალა დღეს საბოლოო ენერგიას იკრეფს და ბოლო ენერგიით მე მგონია დაასრულებს ასეთი ტიპის მოღვაწეობას, როგორიც არის თუ გარდაიქმნებიან, ღმერთმა მოახმაროს თუ ესენი კონსტრუქციულები გახდებიან, რისი იმედიც მე ცოტა მაქვს და ესე შემდგომ, მეც მაქვს ესეთი კითხვა, წინა გადაცემაში სხვა ტერმინიც ვიხმარე, რომ ჩვენ ყველაფერი გავაკეთეთ, რომ ხაზი არ გავლებულიყო და გახლეჩილი არ ყოფილიყო საზოგადოება, მაგრამ რაც გამოიკვეთა „არ გათეთრდების თუ ვერ გათეთრდების ყორანი“.“- განაცხადა ბიძინა ივანიშვილმა.