"შტაბში კატეგორიულად გამაფრთხილეს "ნაციონალურ მოძრაობაზე" არ მესაუბრა"- ივანიშვილი

პოლიტიკა - 23:04, 20 Nov, 2018

1369

ბიძინა ივანიშვილის თქმით, შტაბში გააფრთხილეს იმის შესახებ, რომ "ნაციონალური მოძრაობის" მხარდამჭერებზე არ ესაუბრა - ამის შესახებ განცხადება ყოფილმა პრემიერმა "იმედის" ეთერში გააკეთა, როცა "ნაციონალური მოძრაობის" ხელისუფლებაში დაბრუნების შესაძლებლობებზე ისაუბრა.

"წარმოვიდგინოთ რომ ასეთი რამ მოხდა და დავხატოთ მოდელი რა იქნება. ქართული ოცნება როგორც პარტია გამაგრდება, რასაც მე ვაპირებ და ეს ძალა, ისინი არ არიან პარტია, მოახერხებს მოსვლას გამოუშვას ხალხი და შემოვიდნენ, დაგვიდგებიან ფანჯრებთან ჩვენ გვაქვს რესურსი ისინი კანონში მოვაქციოთ. ნურავის აქვს ილუზია რომ რამეს მოახერხებენ. არეულობის მცდელობა იქნება, რაც ეკონომიკას დაარტყამს. დრამატიზირება არ მინდა მაგრამ ეს ქვეყნის განვითარებაზე შედეგს მოახდენს. ყველაზე მძიმე ჩემთვის საგარეო იმიჯი იქნებოდა.

მცდელობა ექნებათ, მზაობაც დიდია, თუმცა რესურსი არ აქვს, არც ქუჩის რესურსი, 8000 ადამიანს აგროვებენ. მთავარი ძალა არის ხალხი. ხალხის ნდობა არის რესურსი, მე რომ ხალხის ნაწილი ვიყავი, ეს გამოჩნდა კარგად. ჩემი რესურსი არის ხალხის ნდობა და არა ფინანსები, რაზეც მიანიშნებენ. ყველაფერი სწორად აქვთ დანახული ადამიანებს. სამწუხაროდ, ამ ძალადობის და სიცრუის მანქანის დაზიანებული ნაწილი საზოგადოებაში დიდია. ესეც ჩვენი ბრალია. არავის გაუჩნდეს კითხვა, როგორ ახერხებს ამას „ნაციონალური მოძრაობა“, კითხვა უნდა გაჩნდეს, თუ როგორ ახერხებს ამას „ქართული ოცნება“. ამას ვუსვამ გუნდის წევრებს - როგორ მოვახერხეთ, რომ ასეთი მაქსიმალური ნდობა ამ დონეზე მივიყვანეთ. ვიცი რესურსი, ეს როგორ უნდა გამოსწორდეს, ვარწმუნებ ყველას - არ მოხდება ამ არჩევნებში ეს. მცდელობა, ექნებათ, რომ რამდენიმე პროცენტიანი სხვაობა გამოიტანონ ქუჩაში, თუმცა ამის რესურსი არ აქვთ“, - განაცხადა ივანიშვილმა.