"როგორც კი ჰაერში წაგების სუნი დატრიალდა, გაახსენდათ საქართველოს მოქალაქე... მაგრამ შერჩევითად"- გრიგოლ ვაშაძე ვალების ჩამოწერას წინასაარჩევნო ტრიუკს უწოდებს

პოლიტიკა - 14:31, 20 Nov, 2018

648

გაერთიანებული ოპოზიციის საპრეზიდენტო კანდიდატი მოქალაქეთა გარკევული სეგმენტისთვის ვალების ჩამოწერას, საპრეზიდენტო არჩევნების პირველი ტურის შედეგებს უკავშირებს. გრიგოლ ვაშაძის თქმით, ეს ხელისუფლების წინასაარჩევნო ტრიუკია, რომლის მიზანიც მოსახლეობის შეცდომაში შეყვანაა. როგორც ვაშაძემ განაცხადა, მმართველ პარტიას ხალხი მხოლოდ მაშინ გაახსენდა, როდესაც წაგების საფრთხე შეექმნათ:

„როგორც კი ჰაერში წაგების სუნი დატრიალდა იმ წუთასვე გაახსენდათ საქართველოს მოქალაქე. მაგრამ როგორ გაახსენდათ?- შერჩევითად. ვითომ ვალებს ჩამოაწერენ იმას, რომელიც აბსოლუტურად უიმედო ვალებია და ისედაც ტოქსიკური ვალებია და ისედაც ყოველ წელს ბანკები ამას წერენ. შარშან, სადღაც 75 მილიონი ლარი ჩამოაწერეს ბანკებმა, როგორც უიმედო ვალები.

იგივე იქნება წელს და ამას გაასაღებენ ვითომ დიდ შეღავათად. რაც არის ყველაზე საინტერესო ადამიანებს ვინც სოფლის მეურნეობაში მუშაობს და ადამიანებს, ვინც კრედიტები აიღო ხილის მოსავლისთვის, სხვა სასოფლო სამეურნეო სამუშაოებისთვის და მათ ფაროსანამ გაუნადგურა ყველაფერი, უამინდობამ გაუნადგურა, სეტყვამ გაუნადგურა, იმათზე ლაპარაკი არ არის."- განაცხადა გრიგოლ ვაშაძემ.