"არ გვაქვს დემოკრატიის ის სტანდარტი, რომ ყველა გადაწყვეტილება ოქროს სასწორზე ავწონოთ"- კაკულია ვალების ჩამოწერის ინიციატივაზე

პოლიტიკა - 12:15, 20 Nov, 2018

744

„ქართული ოცნების“ ერთ-ერთი ლიდერის რომან კაკულიას განცხადებით, საბანკო დავალიანების გამო შავ სიაში მყოფი პირებსთვის ვალების ჩამოწერა ისეთივე სტანდარტული დაპირებაა, როგორც პენსიების ან ხელფასების მომატება და ამიტომ ამომრჩევლის მოსყიდვადაც ვერ ჩაითვლება.

„ფაქტი არის ისეთივე ტიპის დაპირება, როგორიც პენსიების ზრდის მიმართ, ხელფასების ზრდის მიმართ და სხვა ტიპის ვალდებულებების მიმართ, რომელსაც მთავრობა აპირებს რომ მოაგვაროს.

გასაგებია რომ ივანიშვილის მფლობელობაში მყოფი ფონდი შემოდის ერთ-ერთ მოთამაშედ და ეს გარკვეულ არასტანდარტულ სიტუაციას ქმნის, მაგრამ ეს განსაჯოს საზოგადოებამ. ახლა არ გვაქვს დემოკრატიის ის სტანდარტი ქვეყანაში,რ ომ ოქროს სასწორზე ავწონოთ სამწუხაროდ ყველა გადაწყვეტილება.

ღმერთმა ქნას, რომ ეს მხოლოდ მაქსიმუმი ყოფილიყოს დემოკრატიის სტანდარტისგან გადახვევის, რაც ამ ქვეყანაში არის და იქნება სამომავლოდ, ჩემი აზრით ამას საზოგადოება გაიგებს,“-აცხადებს რომან კაკულია.

ეკა ბესელია კი მთავრობის ინიციატივას „უპრეცენდენტო ქველმოქმედებას“ უწოდებს.

მისი თქმით, ინიციატივა იურიდიულად სრულად გამართულია.