"ამისი ხაზგასმა რას ნიშნავს, რომ მე მართლმადიდებელი არ ვარ?" - დედა სიდონია საპატრიარქოს განცხადებას პასუხობს

პოლიტიკა - 18:55, 19 Nov, 2018

2243

საქართველოს საპატრიარქოს მიერ გავრცელებულ განცხადებას , რომელშიც ხაზგასმული იყო ის საკითხი, რომ ტოლერანტობის ქომაგად გამოცხადებული მონაზონი, მონაზვნური ცხოვრებით არ ცხოვრობს და ის, არც საქართველოს ეკლესიის წევრია, დედა სიდონია ეხმაურება. მისთვის გაუგებარია რატომ დასჭირდა საქართველოს საპატრიარქოს მსგავსი განცხადების გავრცელება და რატომ მოხდა მისი ჯანმრთელობის მდგომარეობაზე აქცენტის გაკეთება:

„ვინც ეს წერილი შეადგინა, მე ვფიქრობ, რომ არასწორი ინფორმაცია აქვს, ან ვიფიქრებ სხვა შემთხვევაში, რომ მიზანმიმართული დისკრიმინაციაა ჩემი პიროვნების. ჩემთვის ამ წერილში, რაც ცოტა სტრესული იყო და არაეთიკურად მეჩვენა, იყო ჩემს ჯანმრთელობის თემაზე შეხება, რამაც დანარჩენი წერილის შინაარსი გადაფარა და ვერც გავიაზრე. რაც შეეხება თვითონ თემის ფარგლებში, იქ ჯილდოს გადმოცემისას, არავის არ უთქვამს, რომ ეს იყო საქართველოს საპატრიარქოს მონაზონი. აქ იყო მითითებული, რომ ეს არის მართლმადიდებელი მონაზონი საქართველოში. მე ვარ საქართველოს მოქალაქე, ამას ვერავინ ვერ გაექცევა. ჩემი აღკვეცა დიდ სქემაში არის ბერძნულ ეკლესიაში, მაგრამ ანუ ამისი ხაზგასმა რას ნიშნავს, რომ თუ ბერძნულ ეკლესიაში აღვიკვეცე, მე მართლმადიდებელი არ ვარ?“ - განაცხადა დედა სიდონიამ.