"ხალხს სჯერა ჩვენი და იციან, რომ ისევე გავაკეთებთ ყველაფერს, როგორც ვპირდებით"- გრიგოლ ვაშაძე ვარკეთილში მოსახლეობას შეხვდა

პოლიტიკა - 13:30, 19 Nov, 2018

762

გაერთიანებული ოპოზიციის კანდიდატი მოსახლეობასთან შეხევდრებს განაგრძობს. გრიგოლ ვაშაძე ოპოზიციის სხვა ლიდერებთან ერთად ვარკეთილში იმყოფებოდა, სადაც მოქალაქეებს სამომავლო პრიოროტეტები გააცნო. ვაშაძის თქმით, ხელისუფლების ცვლილების შემდეგ, კოალიციური მთავრობის პრიორიტეტი მოსახლეობის სოციალური პრობლემების მოგვარება იქნება, ასევე პენსია გაიზრდება 400 ლარამდე, მასწავლებლის ხელფასი 1000 ლარამდე, პოლიციელების ხელფასი კი 2000 ლარს გაუტოლდება:

„გაერთიანებულმა ოპოზიციამ 28 უბანი მოიგო ვარკეთილში. ყველა ეს უბანი მოვიგეთ იმიტომ, რომ ადამიანებს დღეს აინტერესებს და იმედი აქვთ ერთადერთის - ცვლილებების, გინდა იყოს ეს ეკონომიკური, გინდა იყოს პოლიტიკური. იპოთეკის შემცირება, ამ არასამართლიანი კრედიტების უღელის მოხსნა, პოლტიკური რეფორმების, რომელიც ერთპიროვნულ და ერთპარტიულ მმართველობას აღარ დაუშვებს საქართველოში არასოდეს. ამიტომ მოვიგეთ ეს უბნები და მოვიგებთ მეორე ტურში, იმიტომ, რომ ამ ხალხს მართლა სჯერა ჩვენი და იციან, რომ ისევე გავაკეთებთ ყველაფერს, როგორც ვპირდებით.“- აცხადებს ვაშაძე