ახალქალაქში ხელისუფლების მიერ მხარდაჭერილი საპრეზიდენტო კანდიდატის, სალომე ზურაბიშვილის მხარდასაჭერი აქცია-კონცერტი მიმდინარეობს. თავად პრეზიდენტობის კანდიდატი ახალქალაქში არ იმყოფება.

კონცერტის დაწყებამდე "ქართული ოცნების" ლიდერებმა შეკრებილებს სალომე ზურაბიშვილის მხარდაჭერისკენ მოუწოდეს. შეხვედრაზე საპარლამენტო უმრავლესობასთან ერთად იმყოფებიან იუსტიციისა და სახელმწიფო მინისტრები.

„მე არ გამიგია რა პროგრამა აქვს ამას. კონცერტისთვის მომიყვანეს? ჩვენ ტელევიზორში ყოველთვის გვესმის ქართული სიმღერები და ყველაფერი. მე მაინტერესებს მარტო პროგრამა. რაზე ვოცნებობთ, რა დაპირება აქვთ? დირექტორმა გვითხრა, რომ აქ წამოვსულიყავით. ჩვენ რა ვიცოდით აქ რა აქვთ მოწყობილი“ - აცხადებს შეხვედრის ერთერთი მონაწილე.