გაერთიანებული ოპოზიციის "ძალა ერთობაშია"-ს ერთ-ერთი ლიდერი პაატა ბურჭულაძე, საპრეზიდენტო კანდიდატ გრიგოლ ვაშაძის მხარდამჭერებთან ოზურგეთში, ლანჩხუთსა და ჩოხატაურში შეხვედრა გამართა. მან გურიაში მოგზაურობა ჩოხატაურის კულტურის სახლში ადგილობრივებთან შეხვედრით დაასრულა. ბურჭულაძე აცხადებს, რომ ხალხი გრიგოლ ვაშაძის გამარჯვებაში დარწმუნებულია. საუბრის თემა იყო, თუ როგორ დავიცვათ უბნები გაყალბებისაგან, ამომრჩეველი კი ხელისუფლების მხრიდან ძალადობისაგან.

„ხალხი ვინც ემხრობოდა "ოცნებას," ვინც არ ემხრობოდა "ოცნებას" ყველა შეურაცხყოფილია. შეურაცხყოფილია იმით, თუ რა კანდიდატი წარმოგვიდგინა მთავრობამ,"-განაცხადა პაატა ბურჭულაძემ.