მსოფლიო მიკი მაუსის 90 წლის იუბილეს ზეიმობს. ბავშვების საყვარელი ანიმაციური გმირის დაბადების დღის აღსანიშნავად ღონისძიებები მთელს მსოფლიოში მიმდინარეობს.

გაიმართება ონლაინ აუქციონიც, რომელზეც მიკი მაუსის 7 იშვიათი პოსტერი გაიყიდება. ისინი 1930- 40 წლებით თარიღდება.

პოსტერები, რომელთაგანაც ორის მხოლოდ ერთი ეგზემპლარია შემორჩენილი, უოლტ დისნეიმ ლონდონში გამოფინა. ონლაინ ვაჭრობა 26 ნოემბრამდე გაგრძელდება. მიკი მაუსი მსოფლიომ პირველად 1928 წელს, მოკლემეტრაჟიანი მულტფილმით გაიცნო.