5770 მასწავლებელს უფროსი, წამყვანი და მენტორი მასწავლებლის სტატუსი მიენიჭა

პოლიტიკა - 16:33, 17 Nov, 2018

515

მასწავლებელთა პროფესიული განვითარების ეროვნულილ ცენტრი ასრულებს მასწავლებლებისთვის სტატუსების მინიჭებას, რაც განვლილ 2017-2018 წელს პედაგოგოების მიერ განხორციელებულ მრავალფეროვან საქმიანობას აჯამებს. წელს 822-მა მასწავლებელმა გამოცდების გზით დაადასტურა საგნობრივი და პროფესიული კომპეტენცია, რაც საკმარისი აღმოჩნდა უფროსი მასწავლებლის სტატუსის მოსაპოვებლად.

„ აპელაციის შედეგად 226 მასწავლებელი ნოემბრიდან უფროსი მასწავლებლის სტატუსთან ერთად გაზრდილ ანაზღაურებას მიიღებს“- ამის შესახებ მასწავლებელთა პროფესიული განვითარების ცენტრის დირექტორის მოადგილემ მანანა რატიანმა განაცხადა.

იმ მასწავლებლებს, რომლებსაც სხვადასხვა მიზეზების გამო არ მიენიჭათ სტატუსები, იანვარში ხარვეზების გამოსწორების საშუალება მიეცემათ.

ასევე მიმდინარეობს მუშაობა "მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის" განვითარებაზე, მეტი აქცენტი უშუალოდ სასწავლო პროცესზე იქნება გადატანილი. აღნიშნული ცვლილებები ამ წლის ბოლომდე დამტკიცდება, რის შემდეგაც მასწავლებლებს ინფორმაცია ამომწურავად მიეწოდებათ.