ზურაბიშვილის პოლიტიკური ველიდან გაქრობა - "ოცნების" დეპუტატი მიიჩნევს, რომ პრეზიდენტობის კანდიდატი საზოგადოებას თავად უნდა შეხვდეს და დაპირებების შესახებ ესაუბროს

პოლიტიკა - 15:55, 16 Nov, 2018

948

"ქართული ოცნების" წევრი, პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილე, რევაზ არველაძე ბილბორდებიდან სალომე ზურაბიშვილის ფოტოს გაქრობასა და „ქართული ოცნების“ ლიდერების პლაკატების გამოჩენაზე კომენტარს აკეთებს:

„მე ასეთ რაღაცას ვერ ვიფიქრებდი, რომ გამეკეთებინა ასეთი რაღაც. ვისაც მოუვიდა თავში, ალბათ, იმან იცის, უშველის თუ არ უშველის, წესით საშველად არ უნდა გვქონდეს საქმე. მე არც პოლიტსაბჭოს წევრი არ ვარ და არც იმ განხილვებში მონაწილეობას არ ვიღებ, რატომ მოხდა ეს ამბავი, არ ვიცი. ყოველ შემთხვევაში მიმაჩნია, რომ, ალბათ, დღეიდან მაინც დაიწყებს და გამოჩნდება იმიტომ, რომ კანდიდატურა თვითონ უნდა ხვდებოდეს ხალხს და წარმოუდგენდეს იმ ამბავს, რას აპირებს და როგორ აპირებს,“- განაცხადა რევაზ არველაძემ.

მისი თქმით, „ქართულმა ოცნებამ“ სათანადოდ ვერ იმუშავა.

„მე მიმაჩნია, რომ უბრალოდ გუნდმა ვერ იმუშავა კარგად და იმიტომ დადგა პირველი ტურის შემდეგ ასეთი შედეგები. ვერც მაჟორიტარებმა, ვერც გამგებლებმა და ვერც ადგილზე ვერ იმუშავეს, პარტიამ ვერ იმუშავა.