„ოცნების“ ცრუპენტელობას და ტყუილებს საზღვარი არ აქვს - თბილისის ბიუჯეტი კი არ გაიზარდა, არამედ, 45 მილიონით შემცირდა“

„ოცნების“ ცრუპენტელობას და ტყუილებს საზღვარი არ აქვს - თბილისის ბიუჯეტი კი არ გაიზარდა, არამედ, 45 მილიონით შემცირდა“ - ნადირაძე

პოლიტიკა - 14:15, 16 Nov, 2018

754

თბილისის საკრებულოს "ნაციონალური მოძრაობის" დეპუტატი ირაკლი ნადირაძე საკრებულოს უმრავლესობის დეპუტატის, ირაკლი ზარქუას განცხადებას გამოეხმაურა, რომლის ინფომრაციითაც, გუშინ საკრებულოში დედაქალაქის ბიუჯეტი 10 მილიონითაა გაზრდილი.

ნადირაძის თქმით, დედაქალაქის ბიუჯეტი კი არ გაიზარდა, არამედ 45 მილიონი ლარით შემცირდა.

„ქართული ოცნების“ ცრუპენტელობას და ტყუილებს საზღვარი არ აქვს. იმის ნაცვლად, რომ წაგებული პირველი ტურის მერე მაინც ესწავლათ ჭკუა და ადეკვატური ბიუჯეტი შემოეტანათ მაშინ, როდესაც ლარი კატასტროფულად არის გაუფასურებული და მსყიდველობითი უნარი აქვს დაკარგული, დედაქალაქში პრობლემები დღითიდღე უფრო მწვავეა, თბილისის მერიამ მოქმედ 916 მილიონიან ბიუჯეტთან შედარებით, 45 მილიონი ლარით ნაკლები ბიუჯეტი შემოიტანა. იტყუებიან, თითქოს ბიუჯეტი გაიზარდა. ბიუჯეტის კლებაა თითქმის ყველა მიმართულებით, მაშინ როდესაც ისინი ზრდიან ბიუროკრატიას, საკუთარ ხელფასებს, შრომის ანაზღაურებას და ა.შ", - განაცხადა ნადირაძემ.