გრიგოლ ვაშაძე სტუდენტებს შეხვდა

პოლიტიკა - 12:31, 16 Nov, 2018

964

ხელისუფლების ცვლილების შემდეგ საქართველო სწრაფი ნაბიჯით უნდა გადავიდეთ ცოდნის და ინოვაციების ეკონომიკაზე და უარი უნდა ვთქვათ ივანიშვილის შემოთავაზებულ მარიხუანას წარმოებაზე - ამის შესახებ გაერთიანებული ოპოზიციის საპრეზიენტო კანდიდატიმა გრიგოლ ვაშაძემ საპრეზიდენტო ბიბლიოთეკაში თბილისის სხვადასხვა უმაღლესი სასწავლებლების სტუდენტებთან შეხვედრაზე განაცხადა.

ვაშაძემ ახალგაზრდებს პირობა მისცა, რომ განათლების დაფინანსება გაორმაგდება, საქართველოში დასავლური უნივერსიტეტების პროგრამები დაინერგება, მასწავლებლის ხელფასი ათას ლარს გაუტოლდება.

„ვინც ჩვენ ახალგაზრდობას არ იცნობს, მხოლოდ ის ადამიანი იძახის, რომ ჩვენ გვყავს პასიური, არააქტიური ახალგაზრდობა. ჩვენ გვყავს უაღრესად განათლებული, შრომისმოყვარე, მცოდნე ახალგაზრდობა, რომელსაც აღელვებს ქვეყნის ბედი უპირველეს ყოვლისა და თავისი მომავალი. ეს ადამიანები, უკვე ჩამოყალიბებული მოქალაქეები, იძლევიან შეკითხვებს, რომლებიც ეხება ჩვენი ქვეყნის ეროვნულ ინტერესებს და იძლევიან შეკითხვებს, რომლებიც ეხებათ მათ პირად მომავალ ცხოვრებას და სახელმწიფომ უნდა გააკეთოს ყველაფერი იმისათვის, რომ ეს ადამიანები შენარჩუდნენ, როგორც პატრიოტები, ის პატრიოტები, რომლებიც დღეს არიან და გახდნენ კონკურენტუნარიანი მოქალაქეები, რომლებიც შესძლებენ 21 საუკუნის ეკონომიკაში და სოციუმში თავისუფლად და წარმატებულად ცხოვრებას. ამაზე დიდი კაპიტალის დაბანდება სახელმწიფოს დღეს არ შეუძლია არაფერში“- აცხადებს ვაშაძე.