მალხაზ მაჩალიკაშვილს ბაზარში პროვოკაციას უწყობდნენ - „ეს ხალხი რო არ გამეშიფრა, იყო მცდელობა ჩვენთვის რაღაცა დაებრალებინათ. სუსის თანაშრომლებო, არ გაძეხით ტამერლანის სისხლით“

პოლიტიკა - 11:46, 16 Nov, 2018

2134

პანკისის სპეცოპერაციის დროს მოკლული 19 წლის თემირლან მაჩლიკაშვილის მამა, მალხაზ მაჩალიკაშვილი სოციალურ ქსელში სკანდალურ ინფორმაციას აქვეყნებს.
„მოგესალმებით. მინდა, გუშინწინდელ ფაქტზე დავწერო - რამდენ სიბინძურეს ჩადის დღევანდელი ხელისუფლება და უსაფრთხოების სამსახური, როგორ ცდილობენ ჩემს მიმართ ადამიანებს აგრესია ჰქონდეთ, როგორ ცდილობენ ჩემს დამნაშავედ დასახელებას იმის ნაცვლად, გამცენ პასუხი სახელმწიფოს ჩადენილ დანაშაულზე. როგორ ცდილობენ, მთლად უდანაშაულო თემირლანის სული დადანაშაულონ. სავაჭრო ცენტრში შევედით მე და ჩემი მეუღლე, მედიკო, შევამჩნიე, რამოდენიმე ადამიანი ცდილობდა ჩვენთან ახლოს ყოფნას. მივხდი ამ ყველაფერს და გადავწყვიტე მათვის ფოტოები გადამეღო, მაგრამ გაქცევა მუასწრეს და ხმა ჩამუაგდეს სანაგვე ურნები აიღეთო, სუსის ბრძანება არისო. მოვაჭრები ეკითხებიან, რა ხდებაო და პასუხობენ ასეთ რაღაცას, მაჩალიკაშვილი არისო შემოსული მეუღლესთან ერთად ბაზარში, საშიში პიროვნება არისო. დარწმუნებული ვარ, ეს ხალხი რო არ გამეშიფრა, იყო მცდელობა ჩვენთვის რაღაცა დაებრალებინათ. არიან კიდე ხალხი ამ მბის დამსწრები და იმედი მაქვს ამას ერი განსჯის. მე არ ვარ საშიში. ეს თქვენგან არის მოსალოდნი, სუსის თანაშრომლებო, რათ გინდათ ამდენი სიბინძურე, არ გაძეხით ტამერლანის სისხლით,“ - წერს მალხაზ მაჩალიკაშილი.