ამომრჩევლების სამაგიდო სიები „ქართული ოცნების“ კოორდინატორების ხელში მოხვდა. ტელეკომპანია „თრიალეთის“ ინფორმაციით საარჩევნო დოკუმენტაციას მმართველი პარტიის წარმომადგენლები, სურამში, „ქართული ოცნების“ კონსპირაციულ შტაბში ეცნობიან და მეორე ტურში სავარაუდოდ ამომრჩევლის ნებაზე ზემოქმედებისთვის ემზადებიან. როგორ მოხვდა მათ ხელში აღნიშნული დოკუმენტაცია უცნობია, თუმცა როგორც „თრიალეთი“ აცხადებს, ამომრჩეველზე ზეწოლის მოხდენის სქემა შემდეგია- ამომრჩევლის პირად მონაცემებს სხვადსხვა სერვისების საშუალებით ამოწმებენ, დამატებითი ინფორმაციის მიღების შემდეგ კი კონკრეტულ ამომრჩეველსა და მისი ოჯახის წევრებზე ზეწოლა ხდება თუ სალომე ზურაბიშვილს არ მისცემენ ხმას.

არასამთავრობო ორგანიზაციების წარმომადგენლის თქმით სამაგიდო სიები შეიცავს პერსონალურ მმონაცემებს და მათი სხვადასხვა მიზნებით გამოყენება წარმოადგენს პერსონალურ მონაცემთა დაცვის შესახებ კანონის უხეშ დარღვევას. მათი თქმით დარღვეულია არა მხოლოდ პერსონალურ მონაცემთა მოპოვების წესები, არამედ პასუხისმგებლობა უნდა დადგეს იმ ადმინისტრაციული ორგანოსიც, რომელსაც ამ მონაცემების უსაფრთხოდ შენახვა ევალებოდა. კითხვები ჩნდება საარჩევნო ადმინისტრაციის ნეიტრალიტეტთან დაკავშირებითაც და ეჭვი ხდება, რომ ის მმართველი გუნდის სასარგებლოდ მუშაობს.