„ერთიანი ნაციონალური მოძრაობის“ პოლიტიკური საბჭოს თავმჯდომარე ნიკა მელია ბილბორდებზე სალომე ზურაბიშვილის ნაცვლად ბიძინა ივანიშვილის და „ოცნების“ სხვა ლიდერების ფოტოების განთავსებას აფასებს. მისი თქმით, ივანიშვილს ჰგონია, რომ საზოგადოებაში ჭარბი ნდობა აქვს, თუმცა „ოცნების“ ლიდერი ცდება.

„როგორი ადამიანები გააკრეს საარჩევნო ბანერებზე, ადამიანები, ვინც ისტორიულ ნიშნულამდე ლარი გააუფასურეს, საწვავი ისტორიულ ნიშნულამდე გააძვირეს. ვის პირობებშიც გაჭირვებული კიდევ უფრო გაჭირვებულად გრძნობს თავს და ღარიბი გაღატაკდა. ვის პირობებშიც 800 ათასი ქართველი ქვეყნიდან გავიდა, მილიონამდე სოციალურად დაუცველია, 150 ათასი ბავშვი შიმშილობს და უკეთესი ხვალინდელი დღის პერსპექტივაც დაიკარგა და ყველაფერი ეს შექმნა ივანიშვილმა. მას მიაჩნია, რომ კვლავ აქვს ის ჭარბი ნდობა საზოგადოებაში და უთხრა შტაბის წევრებს, რომ აუცილებლად გააკარით ჩემი ბილბორდები და მიაწერეთ - თავისუფლება, განვითარება და ღირსება, ან თავისუფლება სად არის, ან ღირსება სად არის, ან განვითარება,“ - განაცხადა ნიკა მელიამ.