"აფეთქების ადგილიდან მოსახლეობა კორპუსიდან ევაკუირებულია და გადაყვანილი იქნებიან სხვადასხვა ადგილზე"

"აფეთქების ადგილიდან მოსახლეობა კორპუსიდან ევაკუირებულია და გადაყვანილი იქნებიან სხვადასხვა ადგილზე" - კახი კალაძე

პოლიტიკა - 14:15, 15 Nov, 2018

1046

თბილისის მერის კახი კალაძის თქმით, ფონიჭალაში მომხდარი აფეთქების მიზეზი ჯერჯერობით უცნობია და ზუსტი მიზეზი მოგვიანებით გახდება ცნობილი.

„სადარბაზოდან, სადაც აფეთქება მოხდა, ევაკუირებულია მოსახლეობა. ისინი გადაყვანილი იქნებიან სხვადასხვა მისამართზე, რასაც გამგეობა და დედაქალაქის მერია უზრუნველყოფს. ასევე შევამოწმებთ, რამდენად უსაფრთხო იქნება ამ კორპუსში სამომავლო ცხოვრება. თუ დამატებითი გამაგრებითი სამუშაოები იქნება ჩასატარებელი ამას ადგილობრივი მთავრობა აიღებს თავის თავზე. ვისაც დასჭირდება, ყველას დავეხმარებით. რამდენიმე სართულია დანგრეული. არიან დაშავებულები. ამ წუთებში გაწმენდითი სამუშაოები მიმდინარეობს. ნანგრევებში დედა-შვილის პოვნას ვერ გიდასტურებთ. ამაზე არ მაქვს ინფორმაცია. არც ის ვიცი, აფეთქების დროს ისინი სახლში იმყოფებოდნენ თუ არა" - აღნიშნა კახი კალაძემ.

აფეთქება ზემო ფონიჭალაში დღეს დილით მოხდა. შემთხვევა სავარაუდოდ გაზის გაჭონვამ გამოწვია, რის შედეგადაც დაშავდა 3 ადამიანი. 44 წლის ბაბუა, 24 წლის შვილი და 6 წლის შვილივილი, რომლებიც ხეჩინაშვილის სახელობის საუნივერსიტეტო კლინიკის დამწვრობის ცენტრის რეანიმაციულ განყოფილებაში არიან მოთავსებული და მათი მდგომარეობა მძიმეა.

საცხოვრებელ კორპუსში ასევე ჩამოინგრა რთული კონსტრუქციადა ამ დროისთვის დედა-შვილის ძებნისსამუშაოები მიმდინარეობს, რისთვისაც სამაშველო სამსახური სპეციალურ ტექნიკას გამოიყენებს.

მომხდარზე გამოძიება სისხლის სამართლის კოდექსისი 240-ე პრიმა მუხლის მე-2 ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც გამოიწვია ადამიანის სიცოცხლის მოსპობა ან სხვა მძიმე შედეგი.