"არჩევნების დანიშვნა ყოველთვის უმჯობესი არის შაბათ-კვირას"- ლომჯარია მიზეზად ემიგრანტებს და ქვეყნის შიდა მიგრაციას ასახელებს

პოლიტიკა - 11:50, 15 Nov, 2018

844

სახალხო დამცველის განცხადებით ყოველთვის უმჯობესია, რომ არჩევნების დღე შაბათ-კვირა იყოს. ამის მიზეზად ნინო ლომჯარია არა მარტო ემიგრანტებს, არამედ საქართველოს შიგნით არსებულ მაღალ მიგრაციასაც ასახელებს.

„მიმაჩნია, არჩევნების დანიშვნა ყოველთვის უმჯობესი არის შაბათ-კვირას. ეს არ გამომდინარეობს მხოლოდ ემიგრანტების საკითხიდან. რა თქმა უნდა, ძალიან მნიშვნელოვანია, საზღვარგარეთ მყოფმა ჩვენმა მოქალაქეებმა მისცენ ხმა და ამის საშუალება მათ ძირითადად სწორედ შაბათ-კვირას აქვთ, თუმცა ასევე უნდა გავითვალისწინოთ, რომ ქვეყანაში არსებობს საკმაოდ მაღალი შიდა მიგრაცია და მოქალაქეებს უწევთ შორ დისტანციაზე წასვლა ხმის მისაცემად იქ, სადაც არიან რეგისტრირებული. ამის საშუალება კი, შაბათ-კვირას უფრო მეტად არის, ვიდრე ერთი დღის განმავლობაში, რომ თუნდაც ერთი დღე გამოცხადდეს უქმედ. უფრო მაღალი მონაწილეობის უზრუნველსაყოფად, საარჩევნო უბნების რეალიზაციის თვალსაზრისით, რა თქმა უნდა, უკეთესი იყო შაბათს ან კვირას დანიშნულიყო. რამდენადაც ვიცი, კანონიც იძლეოდა ამის საშუალებას. სამწუხაროა, რომ ასე მოხდა და იმედს ვიტოვებ, ეს ნეგატიურად არ აისახება მათ შორის ამომრჩევლის აქტივობაზე არჩევნების დღეს. უფრო მისასალმებელი იქნებოდა, არჩევნები დანიშნულიყო შაბათ-კვირას“ - განაცხადა ნინო ლომჯარიამ.