„კანცელარიის ტროლები მასიურად ავრცელებენ ფეიკნიუსს... გერმანული ჟურნალი „ვოლტი“ საერთოდ არ არსებობს“

„კანცელარიის ტროლები მასიურად ავრცელებენ ფეიკნიუსს... გერმანული ჟურნალი „ვოლტი“ საერთოდ არ არსებობს“ - კანდელაკი

პოლიტიკა - 14:00, 14 Nov, 2018

807

„ევროპული საქართველოს“ წევრი გიორგი კანდელაკი მისი სახელით გავრცელებულ „ფეიქნიუსს“ ეხმაურება.
დეპუტატი ამბობს, რომ დეზინფორმაციის გავრცელების უკან „ქართული ოცნება“ დგას.

"მოკლედ, კანცელარიის ტროლები მასიურად ავრცელებენ ფეიკნიუსს, სადაც მე თითქოს პატრიარქის გასამართლებას ვითხოვ „ინტერვიუში“, რომელიც ვითომ გერმანულ ჟურნალ „ვოლტს“ მივეცი. ჯერ ერთი, ასეთი ჟურნალი ბუნებაში არ არსებობს. მეორე - არც ერთი გერმანული ჟურნალისთვის ინტერვიუ საერთოდ არ მიმიცია წლებია და ბოლოს - ბედად EPP ყრილობაზე ჰელსინკიში თავად ფეისბუქის წარმომადგენელი გავიცანი ვინც „ფეიკნიუსებთან“ ბრძოლას ხელმძღვანელობს ჩვენს რეგიონში. ფეისბუქის ადმინისტრაცია ადგენს ამ „ფეიკნიუსის“ გავრცელების მთელ ჯაჭვს და მოახდენს ყველა იმ ყალბი პროფილის დეაქტივაციას რომლებსაც ქართული ოცნება ზოგადად ამ საინფორმაციო ომში იყენებს.

მე იმაზე მეცინება სხვადასხვა კონფერენციებზე „ოცნების“ წარმომადგენლები შეწუხებული სახეებით რომ საუბრობენ ხოლმე, რა გმირულად ებრძვის მთავრობა დეზინფორმაციას და ამ დროს თავად ხარჯავენ (ჩვენს) ფულს მასზე. გასაგებია რომ ეს ფხაკური ქართულ ოცნებას ვერაფერს უშველის მაგრამ ხალხის ფული რატომ უნდა იხარჯებოდეს ამ სისულელეზე ეგაა გაუგებარი"- აცხადებს კანდელაკი.