წინასწარი ინფორმაციით, საპრეზიდენტო არჩევნების მეორე ტური, 28 ნოემბერს, შუა კვირაში, ოთხშაბათს ჩატარდება, რაც საზღვარგარეთ მცხოვრებ ქართველებს პრობლემებს შეუქმნის.

„ეს თარიღი ქვეყნის შიგნით იქნება უქმე დღე, თუ ეს დაემთხვევა სამუშაო დღეს. ეს იქნება ცესკოს კომპეტენცია,“ - ამბობს ეკა ბესელია.

"ნაციონალურ მოძრაობაში" აცხადებენ, რომ თუ არჩევნები სამუშაო დღეს დაინიშნა, ქვეყნის ხელისუფლებისთვის სამარცხვინო იქნება.

"40% არ ცხოვრობს რეგისტრაციის ადგილას, ამიტომ ეს არის უზარმაზარი ადამიანთა რაოდენობა, რომლის ტოტალურ მობილიზებას აპირებენ, იმისათვის, რომ ორგანიზებულად მოხდეს არჩევნებში მათი მონაწილეობა და ბუნებრივია რომ ამის მექანიზმი არის დაშინება და მოსყიდვა,"-ამბობს რომან გოცირიძე.

"ევროპულ საქართველოში" აღნიშნავენ, რომ შუა კვირაში არჩევნების დანიშვნა მიზანმიმართულად ხდება, რადგან სამუშაო დღეს ხალხი ვერ შეძლებს რაიონებში ჩასვლას, უცხოეთში მცხოვრებლები კი სამუშაოს საათების გაცდენას.

„ეს ადასტურებს, რომ „ქართული ოცნება“ და ცესკო ერთობლივად არიან ჩართული საარჩევნო პროცესებში.

მაშინ, როდესაც ხარ ავტორი განცხადებების საკუთარი ქვეყნისა და სახელმწიფოებრიობის წინააღმდეგ შეუძლებელია ასეთი ხრიკებით მიიღო უპირატესობა,“-ამბობს ირაკლი აბესაძე.