"თქვენი განცხადება, რომ ლარის კურსის ვარდნა არის ოპოზიციის ბრალი, აგერიათ და "ოცნება“ უნდა გეთქვათ?

"თქვენი განცხადება, რომ ლარის კურსის ვარდნა არის ოპოზიციის ბრალი, აგერიათ და "ოცნება“ უნდა გეთქვათ? - ბოკერია ფინანსთა მინისტრს

პოლიტიკა - 20:40, 13 Nov, 2018

839

საპარლამენტო უმცირესობის ერთ-ერთი ლიდერის გიგა ბოკერიამ საკანონდებლო ორგანოში მისულ ფინანსთა მინისტრს ივანე მაჭავარიანს შეკითხვა ეროვნული ვალუტის გაუფასურებასთან დაკავშირებით დაუსვა. ბოკერია დაინტერესდა, იზიარებდა თუ არა მინისტრი ლარის კურსთან დაკავშირებით მმართველი გუნდის პოზიციას:

„თქვენ მოისმინეთ თუ არა, ტელევიზორს თუ რთავთ, თქვენი პოლიტიკური თანაგუნდელების, აი, აქ რომ სხედან, ნაწილის განცხადებები, რომ ოპოზიცია თუ მოიგებს, იქნება სამოქალაქო ომიო და მერე სხვების განცხადებები. დღესაც ვრცელდება, რომ ოპოზიცია თუ წააგებს, ოპოზიცია მოაწყობს არეულობასო. ერთი პასუხი გამეცით, არის თუ არა ეს უპასუხისმგებლო, მავნებლური და საზიანო განცხადებები და თუ ამაში მეთანხმებით და უნდა დამეთანხმოთ, რომ ეს არის მავნებლობა და უპასუხისმგებლობა, აი, ეს თქვენი განცხადება, რომ ლარის კურსის ვარდნა არის ოპოზიციის სიბინძურის და რიტორიკის ბრალი, აქ აგერიათ და „ქართული ოცნება“ უნდა გეთქვათ? ივანიშვილის გუნდს გულისხმობდით და ოპოზიცია წამოგცდათ?“ - მიმართა გიგა ბოკერიამ ფინანსთა მინისტრს.