პლენარული სხდომა უმაღლეს საკანონმდებლო ორგანოში, სადაც ფინანსთა მინისტრმა 2019 წლის ბიუჯეტის პროექტი უნდა წარადგინოს, ვერ იწყება. სხდომა ვერც პირველი რეგისტრაციისას და ვერც განმეორებითი რეგისტრაციისას ვერ დაიწყო.

განმეორებითი რეგისტრაციისას, დარბაზში 78 დეპუტატის ყოფნა დაფიქსირდა, მაგრამ ოპოზიციის წარმომადგენლების განცხადებით, ადგილი ჰქონდა სხვისი პულტების გამოყენებას და ამდენი დეპუტატი ადგილზე არ იმყოფებოდა.

„ჩვენ მიერ ახლა რეგისტრაციის არგავლა, ეს ნამდვილად პოლიტიკური ნაბიჯია და ამით ჩვენ, „ევროპულ საქართველოს“ გვინდა ვაჩვენოთ მთელ საზოგადოებას, რომ პოლიტიკური პარტია „ქართული ოცნება“, როცა იხილება ქვეყნის მთავარი დოკუმენტი, ვერ კრებს საკმარის რაოდენობას ხმების,“ - განაცხადა „ევროპული საქართველოს“ წევრმა, ზურაბ ჭიაბერაშვილმა.

თავად ოპოზიციის წარმომადგენლები რეგისტრაციის პროცედურას არ გადიან. სხდომათა დარბაზშო 10-წუთიანი ტექნიკური შესვენება გამოცხადაა. მოგვიანებით კი კვორუმის არარსებობის გამო 16:00 საათამდე გადაიდო.