ჰააგის სასამართლოში მიმდინარე პროცესი რუსეთ-საქართველოს 2008 წლის ომთან დაკავშირებით - ოპოზიციის განცხადებით, საქართველო ჰააგის ტრიბუნალის წინაშე შესაბამის მტკიცებულებებს აღარ წარადგენს.

აღნიშნულს გამოეხმაურა საქართველოს პარლამენტის თავმჯდომარე ირაკლი კობახიძე. კობახიძის თქმით, ყველა პასუხისმგებელი ორგანო ჩართულია და მუშაობს იმისთვის, რათა საერთაშორისო დონეზე საქართველოს ინტერესები დაიცვას.

„არ შეიძლება სპეკულაციები ისეთ თემაზე, რომელიც უკავშირდება ჩვენს საერთო ეროვნულ ინტერესებს. სამწუხაროდ, ოპოზიცია ამითაც გამოირჩევა წინასაარჩევნო პროცესში, ისევე როგორც ზოგადად, რომ ის სპეკულირებს ისეთ თემებზეც კი, რომელიც არის დაკავშირებული ჩვენს საერთო ეროვნულ ინტერესებთან,“ - განაცხადა ირაკლი კობახიძემ.

ოპოზიცია პარლამენტში იუსტიციისა და საგარეო საქმეთა მინისტრების მისვლას მოითხოვს, რადგან აღნიშნულ საკითხთან დაკავშირებით არსებულ კითხვებს პასუხები გაეცეს.