საკუთარი ბიზნესის ლობირება თუ ახალი კანონით დაინტერესება - ტელეიმედის სამეურვეო საბჭოს თავმჯდომარე პარლამენტში იმყოფებოდა

პოლიტიკა - 11:13, 13 Nov, 2018

877

ტელეიმედის სამეურვეო საბჭოს თავმჯდომარე ირაკლი რუხაძე საკანონმდებლო ორგანოში იმყოფებოდა. რუხაძის განცხადებით, პარლამენტში მისი მისვლის მიზეზი, ეკონომიკისა ეკონომიკური პოლიტიკის კომიტეტის სხდომაზე დასწრება და იმის გაგება იყო, ექნება თუ არა საქართველოს ანტიდემპინგური კანონი, რათა სამომავლო ბიზნეს ნაბიჯები დაეგეგმა.

„მე მოვედი იმიტომ, რომ გავიგო ექნება თუ არა საქართველოს ანტიდემპინგური კანონი და თუ ექნება როგორი სახის კანონი იქნება. ეს მომცემს საშუალებას გადავწყვიტო, დავაბანდო არ დავაბანდო, რა დარგში დავაბანდო და არ დავაბანდო. სულ ვაბანდებ თანხას, 25 მილიონი დოლარი დავაბანდეთ რუსთავის მეტალურგიულ ქარხანაში შარშან, კიდევ ვაპირებ დავაბანდო და უნდა ვიცოდეთ, რამდენად შესაძლებელია რომ ჩვენ ვიყოთ კონკურენტუნარიანი. კონკურენტუნარიან გარემოში ვიმუშაოთ. თუ შესაძლებელია მაშინ დავაბანდებ, თუ არა არ დავაბანდებ. საინტერესო იყო, ძალიან კარგია, რომ ამაზე ლაპარაკი მიდის სახელმწიფოში და მივალთ იმედია ნორმალურ გადაწყვეტილებამდე.“-განაცხადა რუხაძემ.

„კურიერის“ ინფორმაციით, ტელეიმედის სამეურვეო საბჭოს თავმჯდომარე პარლამენტში ამჯერად, მისი ბიზნესის ლობირებისთვის მივიდა. საქმე ეხება ცემენტის ბიზნესს. როგორც ცნობილია, რუხაძე ბიძინა ივანიშვილის თანაინვესტირების ფონდთან ერთად ცემენტის მწარმოებელი ჰაიდელბერგის მფლობელია.