გოგა ხაინდრავასთვის 3 მილიონიანი ვალის პატიება - საკითხს ოპოზიციის რიგებში ეხმაურებია, „ერთიანი ნაციონალური მოძრაობის“ წევრის თინათინ ბოკუჩავას განცხადებით, ივანიშვილი თავს ვალდებულად თვლის ხაინდრავასთან და ამიტომ, შეუძლია სამ-მილიონიანი ვალი აპატიოს:

„ეს არის ადამიანი, რომელმაც დადგა თავისი „ლე ხაინდრაოს“ სტუდიის და ა.შ გამოყნებით, მთელი სპექტაკლი, რითიც რეალურად, ხელისუფლებაში მოვიდა ივანიშვილი. ასე, რომ ივანიშვილი თვლის თავს ვალდებულად გოგა ხაინდრავას მიმართ და შესაბამისად, თვლის, რომ შეუძლია, მათ შორის, 3 მილიონი ლარი აპატიოს მას და არ დააბრუნებინოს ბიუჯეტში და ამავდროულად, მოქალაქეებს თვალებში ნაცარი შეაყაროს და უთხრას, რომ მე თქვენ პენსიას ვერ გაგიზრდით, ვერ დავეხმარები მოშიმშილე ბავშვებს იმიტომ, რომ ბიუჯეტში ფული არ არის. ბიუჯეტში ფული იქნებოდა, რომ არ არსებობდეს ხაინდრავასნაირი ბიუჯეტის ქურდები,“ - განაცხადა თინათინ ბოკუჩავამ.

საქმე ეხება ხაინდრავას კომპანიისთვის, „მიწადმოქმედთა ერთობისთვის“ 2014 წელს პრემიერის, ირაკლი ღარიბაშვილის მიერ 34 937 ლარად ნახევარი მილიონი კვადრატული მეტრი მიწის გადაცემას. ხაინდრავა ვალდებული იყო, თეთრიწყაროში 350 ათასი ლარის ინვესტიცია განეხორციელებინა, შეეძინა 150 ძროხა, მოეშენებინა ფუტკარი, აეშენებინა სათბური და დაესაქმებინა ხალხი, თუმცა, ეს ვალდებულებები მას არ შეუსრულებია.