" პირველი ტურის შემდეგ გამოჩნდა, რომ ეს მათთვის საპრეზიდენტო არჩევნები კი არა, გადატრიალების არჩევნებია"

" პირველი ტურის შემდეგ გამოჩნდა, რომ ეს მათთვის საპრეზიდენტო არჩევნები კი არა, გადატრიალების არჩევნებია" - არჩილ თალაკვაძე

პოლიტიკა - 15:45, 12 Nov, 2018

502

აგვისტოს ომის მონაწილეებისა და ვეტერანი სამხედროების კამპანიას, რომლითაც ისინი სალომე ზურაბიშვილს უპირისპირდებიან, საპარლამენტო უმრავლესობის ლიდერები ეხმაურებიან.

არჩილ თალაკვაძის თქმით, „ნაციონალურმა მოძრაობამ“ და მისმა სატელიტებმა საარჩევნო კამპანია შეურაცხყოფასა და ძალადობაზე დააფუძნეს.

თალაკვაძის თქმით, „ნაციონალური მოძრაობისთვის“ ეს არა საპრეზიდენტო, არამედ „გადატრიალების არჩევნებია“.

„ნაციონალურმა მოძრაობამ“ და მასთან დაკავშირებულმა სატელიტებმა შეძლეს ის, რომ დღეს საპრეზიდენტო კამპანიის გარემო არის ამ ძალადობაზე და შეურაცხყოფაზე ცრუ ინფორმაციის გავრცელებაზე ორიენტირებული.

მე მესმის ძალიან კარგად, თუ რა ამოძრავებთ ამ ადამიანებს, მაგრამ ასევე დაინახეთ სალომე ზურაბიშვილის ძალიან ცივილური პასუხი.

ფაქტია, რომ ნაციონალურმა მოძრაობამ მოატყუა საზოგადოება როგორც ჩვევია, პირველ ტურში მათ თითქოს მხარდამჭერებს მიაღებინეს მონაწილეობა საპრეზიდენტო არჩევნებში, თუმცა პირველი ტურის დასრულებისთანავე აღმოჩნდა , რომ მათთვის ეს არ არის საპრეზიდენტო არჩევნები, არამედ ეს არის გადატრიალების არჩევნები“-ამბობს საპარლამენტო უმრავლესობის წევრი არჩილ თალაკვაძე.