მდინარაძემ და ფოფხაძემ "ოცნების" ოფისთან დაზარალებულ მეანაბრეებს აქციის გამართვა მოსთხოვეს

მდინარაძემ და ფოფხაძემ "ოცნების" ოფისთან დაზარალებულ მეანაბრეებს აქციის გამართვა მოსთხოვეს - ელისო კილაძე

პოლიტიკა - 15:37, 12 Nov, 2018

1061

„ქრონიკა პლუსის“ მთავარი რედაქტორი, ელისო კილაძე „ქართული ოცნების“ ოფისთან შვილმოკლული მამების საპროტესტო აქციის დროს პროვოკაციებს არ გამორიცხავს.

კილაძის ინფორმაციით, „ოცნების“ ოფისთან საფინანსო კომპანია „საქართველოს“ დაზარალებულ მეანაბრეებს მმართველი პარტიის ლიდერმა, მამუკა მდინარაძემ საპროტესტო აქციის გამართვა სთხოვა.

„აქციის დაწყების წინ მე მომაწოდეს დახურული ჯგუფის მიმოწერა, ეს არის საფინანსო კომპანია „საქართველოს“ დაზარალებული მეანაბრეების დახურული ჯგუფი, აქციის ორგანიზატორები წერენ, რომ მათ ესაუბრათ მამუკა მდინარაძე ნახევარი საათის განმავლობაში, მოსთხოვა, რომ 14:00 საათზე აუცილებლად იყვნენ „ქართული ოცნების“ ოფისთან აქციაზე და უნდა იყვნენ ძალიან ბევრნი და აქციის მეორე ორგანიზატორი წერს, რომ ის ესაუბრა გედევან ფოფხაძეს და აქციაზე მოუყვება ამ ადამიანებს, რაზე ისაუბრეს. მე მაქვს ასევე ინფორმაცია იმის თაობაზე, რომ საქართველოს დაზარალებული მეანაბრეების ხმების სანაცვლოდ მერაბ ფერაძეს ჰპირდებიან სააპელაციო საჩივრის დაკმაყოფილებას უზენაეს სასამართლოში,“ - განაცხადა ელისო კილაძემ.

კილაძე მიმართავს, მდინარაძეს და ფოფხაძეს, რომ თავი შეიკავონ ადამიანების ერთმანეთთან დაპირისპირებისკენ.

„ბიძინა ივანიშვილმა იცოდეს, რომ საყვირების აქციას „ქართული ოცნების“ ოფისთან ამ ერთი კვირის განმავლობაში ორგანიზებას მისივე გუნდის წევრები, მამუკა მდინარაძე და გედევან ფოფხაძე უწევდნენ,“ - განაცხადა კილაძემ.