„გრიგოლ ვაშაძის პრეზიდენტობა აჩენს შანსს, რომ გაჯანსაღდეს პოლიტიკური პროცესი“

„გრიგოლ ვაშაძის პრეზიდენტობა აჩენს შანსს, რომ გაჯანსაღდეს პოლიტიკური პროცესი“ - არმაზ ახვლედიანი საზოგადოებას მიმართავს

პოლიტიკა - 15:15, 12 Nov, 2018

866

„ქართული ოცნების“ პოლიტსაბჭოს ყოფილი წევრი, არმაზ ახვლედიანი სოციალური ქსელით საზოგადოებას მიმართავს და იმის შესახებ საუბრობს, თუ რას შეცვლის ქართულ პოლიტიკაში გრიგოლ ვაშაძის გაპრეზიდენტება.

„გრიგოლ ვაშაძის პრეზიდენტობა ქმნის ერთპარტიული ავტორიტარული მმართველობის დასრულების რეალურ შესაძლებლობას! ჩნდება ალტერნატიული პოლიტიკური ძალა, რომელიც შეძლებისდაგვარად დააბალანსებს არსებულ რეჟიმს.

ვაშაძის გამარჯვება ჩემთვის, როგორც ბევრი სხვა მოქალაქისთვის, სწორედ ამას უკავშირდება და არა - „ნაციონალური მოძრაობის“ მხარდაჭერას.

გრიგოლ ვაშაძის პრეზიდენტობა აჩენს შანსს,რომ გაჯანსაღდეს პოლიტიკური პროცესი და ხალხის მოთხოვნების შესაბამისად, შეიქმნას თვისობრივად ახალი საზოგადოებრივ-პოლიტიკური ძალები, რომლებიც წინა და დღევანდელი მმართველობის ყველა არსებითი შეცდომის გათვალისწინებით და შეუქცევადი დემოკრატიული პროცესის და სამართლის უზენაესობის დამკვიდრებით, შეძლებენ 25-წლიანი ჩაკეტილი წრის გარღვევას და საქართველოს წარმატებულ განვითარებას!“ - წერს ახვლედიანი.