"დაისაჯონ თემირლან მაჩალიკაშვილის მკვლელები" - "ქართული ოცნების" ოფისთან აქცია გაიმართება

პოლიტიკა - 11:11, 12 Nov, 2018

1124

პანკისელები ქართული ოცნების ოფისთან აქციის გამართვას გეგმავენ. პანკისის სპეცოპერაციისას მოკლული თემირლან მაჩალიკაშვილის მამის, მალხაზ მაჩალიკაშვილის თქმით შეკრება მისი შვილის დაბადების დღის მოახლოებას უკავშირდება.

მალხაზ მაჩალიკაშვილის მხარდამჭერები მმართველი გუნდის ოფისთან, თემირლან მაჩალიკაშვილის ხსოვნისადმი პატივის მისაგებად შეიკრიბებიან.

აქციის მონაწილეები კიდევ ერთხელ მოითხოვენ ყველა იმ პირის დასჯას, ვინც სპეცოპერაციის დაგეგმვასა და განხორცილებაში მონაწილებდა. მათ შორის არის სოსო გოგაშვილი, რომელიც მაჩალიკაშვილის თქმით, სწორედ "ქართულ ოცნებაში" წინასაარჩევნოდ შეხვედრებს აქტიურად მართავს. აქციები გაგრძელდება პარლამენტის შენობის წინაც.

„აქცია არ შეწყდება, აქცია გაგრძელდება. გარკვეული ნაწილი ხალხის წავა ოცნების შტაბში, სადაც იმყოფება ე.წ. სისხლიანი ადამიანი გოგაშვილი,“-განაცხადა მალხაზ მაჩალიკაშვილმა.

„ღიად მივმართავ ხელისუფლებას, გვითხრან გამოიკვეთა თუ არა დანაშაულის ნიშნები თემირლან მაჩალიკაშვილის მკვლელობის საქმეზე. თბილისის პროკურატურას მივმართავ, დადონ, შეგვატყობინონ ინფორმაცია წაუყენებენ თუ არა პიროვნებას ბრალს თუ არ გამოიკვეთა დანაშაულის ნიშნები. სჯობს ვიცოდეთ, რომ ბრალს არავის არ წაუყენებენ,“-განაცხადა მაჩალიკაშვილის ადვოკატმა მარიამ კუბლაშვილმა.