დღეს, 12 ნოემბერს გმირთა მოედნის მიმდებარე ტერიტორიაზე ტრანსგენდერ ქალს თავს დაესხნენ. ინფორმაციას ამის შესახებ "თანასწორობის მოძრაობა" ავრცელებს:

"თვითმხილველების თქმით, შემთხვევა გამთენიისას 2 საათზე მოხდა. 7 თავდამხსმელი ფიზიკურად გაუსწორდა ტრანსგენდერ ქალს. მას დაზიანებები აქვს მიყენებული სახისა და თვალის არეში, დაზიანებული აქვს ყბის ძვლები, მიღებული აქვს ტვინის შერყევა.

დაზარალებული ტრანსგენდერი ქალი საავადმყოფოშია გადაყვანილი.

როგორც თვითმხილველები აღნიშნავენ თავდამსხმელები მერსედესის მარკის ავტომობილით გადაადგილდებოდნენ."- ნათქვამია "თანასწორობის მოძრაობის" მიერ გავრცელებულ განცხადებაში.