"სახელმწიფო მანქანა მომართულია იმისკენ, რომ ჰააგაში ქართველები დაიჭირონ... ამით კი იმედოვნებენ, რომ ნაციონალურ მოძრაობას ამოძირკვავენ და ქვეყანას რა მოუვა... ეს უკვე მეორეხარისხოვანია"

"სახელმწიფო მანქანა მომართულია იმისკენ, რომ ჰააგაში ქართველები დაიჭირონ... ამით კი იმედოვნებენ, რომ ნაციონალურ მოძრაობას ამოძირკვავენ და ქვეყანას რა მოუვა... ეს უკვე მეორეხარისხოვანია" - ნიკა ჯეირანაშვილი

პოლიტიკა - 02:39, 11 Nov, 2018

2628

რუსეთ-საქართველოს ომის შესახებ გაკეთებულ განცხადებებს (რომ ომი ქართულმა მხარემ დაიწყო/მძნარე ცხინვალს ცეცხლი ქართველმა სამხედროებმა გაუხსნეს) ეხმაურება Justice International-ის აღმასრულებელი დირექტორი ნიკა ჯეირანაშვილი.
ჰააგის სასამართლო 2008 წლის ომს და 2008 წლის ივლის-ოქტომბერში სავარაუდოდ ომისა და კაცობრიობის წინაშე ჩადენილ დანაშაულებს იძიებს.
ჯეირანაშვილი აცხადებს, რომ მსგავსი ტიპის განცხადებები, რომლითაც ხელისუფლება ცდილობს "ნაციონალური მოძრაობის ამოძირკვას", პირველ რიგში აზიანებს ქართულ სახელმწიფოს.
"ჩემი აქ ყოფნის ერთი კვირა რომ მოკლედ შევაჯამო, მთელი სახელმწიფო მანქანა იმისკენაა მომართული, რომ ჰააგაში ქართველები დაიჭირონ, იქნება ეს მიშა, გრიშა, თუ ნებისმიერი სხვა, სამხედრო, თუ სამოქალაქო პირი; ამით კი იმედოვნებენ, რომ ნაციონალურ მოძრაობას საბოლოოდ ამოძირკვავენ და ქვეყანას რა მოუვა, შეიარაღებულ ძალებს, დაზარალებულ მოსახლეობას - ეს უკვე მეორეხარისხოვანია. ადრე მეგონა რუსებს ვებრძოდი და ეხლა უკვე ორ ცეცხლს შუა აღმოვჩნდი. ხოდა რა გითხრათ აბა - ფსიქო დელია დელია დელია, დელია დელია და" - წერს ნიკა ჯეირანაშვილი.