„მივმართავ შს სამინისტროს ხელმძღვანელობას, ნუ აძლევთ პირად შემადგენლობას ისეთ ბრძანებებს, რომლებიც არათუ უკანონო, არამედ წინააღმდეგობრივია ყველა მორალურ კატეგორიასთან“

„მივმართავ შს სამინისტროს ხელმძღვანელობას, ნუ აძლევთ პირად შემადგენლობას ისეთ ბრძანებებს, რომლებიც არათუ უკანონო, არამედ წინააღმდეგობრივია ყველა მორალურ კატეგორიასთან“ - გენერალ-მაიორი ლევან გვაზავა

პოლიტიკა - 01:07, 11 Nov, 2018

1489

გენერალ-მაიორი ლევან გვაზავა დღეს რუსთაველის გამზირზე შვილმოკლული მამების აქციაზე მომხდარ დაპირისპირებას ეხმაურება და შს სამინისტროს ხელმძღვანელობას მიმართავს. გვაზავა უწყებას მოუწოდებს, ნუ აძლევენ პირად შემადგენლობას ისეთ ბრძანებებს, რომელიც, მისი თქმით, აზარალებს პოლიციის იმიჯს და მათ კარიერულ წინსვლას.

"სამართალდამცავთა დაცვის ლიგა" და პირადად მე, პოლიციის გენერალ-მაიორი ლევან გვაზავა მივმართავ შს სამინისტროს ხელმძღვანელობას - ნუ აძლევთ შინაგან საქმეთა სამინისტროს პირად შემადგენლობას ისეთ ბრძანებებს, რომლებიც არათუ უკანონო და დანაშაულებრივია, არამედ წინააღმდეგობაშია ყველა მორალურ კატეგორიასთან. ამ ბრძანებების შესრულება აზარალებს როგორც პოლიციის იმიჯს, ასევე პოლიციის ოფიცრების კარიერულ წინსვლას.

ამავე დროს, მე მაინც მჯერა შს სამინისტროს პირადი შემადგენლობის პროფესიონალიზმის, მჯერა, რომ იმოქმედებენ მხოლოდ კანონის ფარგლებში.

პირადად მე, მიმაჩნია, რომ ის რაც დღეს რუსთაველის გამზირზე ხდება, არის ღია ბრძოლა შვილმოკლული მამის - ზაზა სარალიძის მიმართ.

ჩვენ გადავიტანეთ და დღესაც ვიტანთ უკანონო დევნას, შევიწროებას, აკრძალვებს და კრიმინალის რევანშს - ნებადართულს ხელისუფლების მხრიდან, რომელიც ამ განუკითხაობის აღკვეთაზე და სამართლის აღსრულებაზე კი არ ზრუნავს, არამედ შვილმოკლული მამის დევნით არის დაკავებული.

არსებობს ზღვარი - გირჩევთ ნუ გადახვალთ ამ ზღვარს!