"სანამ ჩემს სისხლს არ დაღვრიან, ან ჩემი შვილის მკვლელები არ იქნებიან პასუხისგებაში მიცემული აქ ვიქნებით"

"სანამ ჩემს სისხლს არ დაღვრიან, ან ჩემი შვილის მკვლელები არ იქნებიან პასუხისგებაში მიცემული აქ ვიქნებით" - ზაზა სარალიძე კვლავ კლინიკაში გადაჰყავთ

პოლიტიკა - 21:19, 10 Nov, 2018

1494

ზაზა სარალიძე ჰოსპიტალში გადაჰყავთ. ის რუსთაველის გამზირზე მომხდარი დაპირისპირების შემდეგ შეუძლოდ გახდა. მანამდე სასწრაფო დახმარების მანქანით კლინიკაში ზაზა სარალიძის დედა გადაიყვანეს.

შეგახსენებთ, რომ ცოტა ხნის წინ რუსთაველის გამზირზე ადგილი ჰქონდა ფიზიკურ შეხლა-შემოხლას. სამართალდამცავებმა არასამთავრობო ორგანიზაციების წარმომადგენლებს კარვების გაშლის საშუალება არ მისცეს, რასაც ფიზიკური დაპირისპირება მოჰყვა. დაპირისპირებისას ზაზა სარალიძე განაცხადა, რომ ხელისუფლებას აქვს ორი გამოსავალი, ან მისი სისხლი დაღვარონ ან მისი შვილის მკვლელები დასაჯონ:

"სანამ ჩემს სისხლს არ დაღვრიან, ან ჩემი შვილის მკვლელები არ იქნებიან პასუხისგებაში მიცემული, აქ ვიქნებით. ხედავთ თქვენ, პოლიცია რა ზეწოლაზე მოდის. კალაძე კიდევ მომიწოდებს, რომ ჩვენსა და მოსახლეობას შორის არაფერი მოხდეს. ჩვენსა და მოსახლეობას შორის კი არა, პოლიცია გააჩეროს. უკანონოდ რომ გვარბევს აქ და რომ გადაგვთელა და გადაგვიარა, ის ნაძირლები გააჩეროს. სანამ ჩემს სისხლს არ დაღვრიან, ან ჩემი შვილის მკვლელები არ იქნებიან პასუხისგებაში მიცემული, ეს ორი გამოსავალი აქვს ამ ხელისუფლებას, მანამდე აქ ვიქნებით.“ - განაცხადა ზაზა სარალიძემ