"იწყებოდა საქართველოს ოკუპაცია და სააკაშვილის მოქმედება იყო ადეკვატური" - პაატა დავითაია ომთან დაკავშირებულ ფეიკ-ნიუსს ეხმაურება

პოლიტიკა - 15:47, 10 Nov, 2018

1320

2008 წლის ომთან დაკავშირებით პარლამენტის საგამოძიებო კომისიის სხდომაზე მიხეილ სააკაშვილის მიერ გაკეთებულ განცხადებაზე კომენტარი პაატა დავითაიამ გააკეთა, რომელიც იმ დროისთვის ომის საკითხებზე შექმნილ საგამოძიებო კომისიას ხელმძღვანელობდა .

პაატა დავითაიაა თქმით, გარდა იმისა, რომ სრული ჩანაწერი პარლამენტის ოფიციალური ვებგვედიდან წაშლილია, ასევე დამახინჯებულია კონტექსტი, მათ შორის ის მცირე მონაკვეთი, რომელიც გავრცელდა, მოიცავდა პაატა დავითაიას პრივატული საუბრის მცირე ნაწილსაც.

„საჯარო ჩვენებებიდან ამონარიდი არის დატრიალებული ვიდეოროლიკში, რაც ცალსახად მინდა ხაზი გავუსვა არის პირდაპირ ჩვენება იმისა, თუ როგორ ხდება მონტაჟი გარკვეული საკითხებისა. რაც შეეხება პრეზიდენტ სააკაშვილის მიერ საუბარს იმასთან დაკავშირებით, რომ ცხინვალის ტერიტორიაზე დაიწყო საბრძოლო მოქმედებები, ზუსტად ეს აქვს მას ჩვენებაში ნათქვამი, ზუსტად ეს არის ასახული დროებითი საგამოძიებო კომისიის დასკვნაში და ეს მოხდა იმიტომ, რომ როკის გვირაბიდან შემოდიოდა ათასობით ტანკი და რუსეთის ფედერაციის ჯარისკაცები. იწყებოდა საქართველოს ოკუპაცია. პრეზიდენტ სააკაშვილის მოქმედება იყო აბსოლუტურად ადეკვატური. რაც შეეხება ჩემს საუბარს, ზუსტად 2008 წლიდან, როდესაც ჟურნალისტთან პრივატული საუბარი არის ჩაწერილი და დაჭრილი ფეიქად. არც ერთი სიტყვა, არ მიმაქვს უკან. არ ვეთანხმებოდი წინა ხელისუფლებას და ამიტომ ვიყავი ოპოზიციაში. ამაზე ვლაპარაკობდი ღიად და არანაირი პრობლემა ამასთან არ გვქონდა. რაც შეეხება საბრძოლო მოქმედებებს, პრივატულ საუბარში არის ის, რაც აისახა დასკვნაში - ცხინვალში შესვლა და ახლა პრივატულ საუბარში რაც შეეხება ომს, ჩვეულებრივი სიტყვათა თამაში არის.“ - განაცხადა პაატა დავითაია.

სოციალურ ქსელში და ზოგიერთ მედიაში გავრცელდა ვიდეოჩანაწერი რომელშიც ასახულია აგვისტოს ომთან დაკავშირებით შექმნილი კომისიის სხდომა, კერძოდ კი ამ კომისიის სხდომაზე მიხეილ სააკაშვილის გამოსვლის მცირე მომენტი. სადაც ის ცხინვალის რეგიონში სამხედრო მოქმედებების დაწყების თემაზე საუბრობს. ოპოზიციის მტკიცებით აღნიშნულ ჩანაწერის გამოყენებას მმართველი პარტია სალომე ზურაბიშვილის მიერ ომის დაწყების შესახებ გაკეთებული ანტისახელმწიფოებრივი განცხადებების გადასაფარად გამოიყენებას ცდილობს.