"დაიწყო ფეიქ ნიუსების ახალი ტალღა, რაც არ უნდა ატყუოთ ადამიანები, მილიონმა ადამიანმა უკვე გაგცათ პასუხი!"- გიორგი ვაშაძე მედიაში გვრცელებულ ჩანაწერს ეხმაურება

პოლიტიკა - 12:01, 10 Nov, 2018

1649

გაერთიანებული ოპოზიციის საპრეზიდენტო კანდიდატის გრიგოლ ვაშაძის საარჩევნო შტაბის ხელმძღვანელი გიორგი ვაშაძე, სოციალურ ქსელში და ზოგიერთ მედიაში გავრცელებულ ვიდეოჩანაწერს გამოეხმაურა, რომელშიც ასახულია აგვისტოს ომთან დაკავშირებით შექმნილი კომისიის სხდომა, კერძოდ კი ამ კომისიის სხდომაზე მიხეილ სააკაშვილის გამოსვლის მცირე მომენტი. გიორგი ვაშაძის თქმით, მთლიანი გამოსვლიდან კონტექსტის გარეშე ამოგლეჯილი ფრაზის გავრცელებით, მმართველი გუნდი თავისი კანდიდატის მოღალატეობრივი განცხადებების „გაპრავებას“ ცდილობს:

„დაიწყო ფეიქ ნიუსების ახალი ტალღის ტირაჟირება. მთელი განცხადება არის იმაზე, თუ როგორ ცდილობდა ქართული მხარე თავიდან აერიდებინა საომარი მოქმედებები და როგორ არ იყო გამოსავალი, ხალხი ბნელი არაა და ყველა კარგად მოისმენს ვინ რას ამბობს. რატომ აკეთებენ ამას, იმიტომ რომ უნდათ თავისი გადამალული კანდიდატი „გააპრავონ“ რამენაირად. ერთადერთდი ადამიანი, რომლის განცხადებები გამოყენებული აქვს რუსეთს საქართველოს წინააღმდეგ ჰააგაში, არის სალომე ზურაბიშვილი! რაც არ უნდა ატყუოთ ადამიანები, მილიონმა ადამიანმა უკვე გაგცათ პასუხი!. ეს არ „პრავდება“. როგორ შეიძლება საქართველოს პრეზიდენტი იყოს ადამიანი, რომლის სიტყვებიც მტერს აქვს გამოყენებული სასამართლოში. მეორე მხრივ არის გრიგოლ ვაშაძე, რომელმაც ისტორიული ბრძოლა მოიგო ოკუპირებული ტერიტორიების არაღიარების მხრივ. არჩევანი არის მარტივი, ვირჩევთ მოღალატეს თუ ვურჩევთ ადამიანს, რომელსაც უყვარს თავისი სამშობლო.“- გაანცხადა გიორგი ვაშაძემ.