ხელისუფლებამ ახალი ინიციატივის განხილვა დაიწყო, რომლის თანახმადაც, ყოფილ სამხედრო მოსამსახურეებს, სამხედრო ფორმაში პოლიტიკური განცხადებების გაკეთება და აქტივობა შესაძლოა აეკრძალოთ. აღნიშნული ინიციატივის განხილვა, გენერალ დევი ჭანკოტაძის გუშინდელი განცხადების შემდეგ, დაჩქარებული წესით დაიწყო.

გენერალმა საგანგებო მიმართვა რამდენიმე თანამებრძოლთან ერთად გაავრცელა. დევი ჭანკოტაძის თქმით, არ შეიძლება ქვეყანას ჰყავდეს ისეთი პრეზიდენტი, რომელიც საქართველოს ომის დაწყებაში ადანაშაულებს.

რომან გოცირიძის შეფასებით, ხელისუფლება ცდილობს, სამხედროებს პოზიციის დაფიქსირებაში ხელი შეუშალოს.

„ადამიანი იქცეოდა კანონის სრული შესაბამისობის მიხედვით. სამხედროების მსგავსი განცხადება, როგორც ჩანს, არის ძალიან საშიში ხელისუფლებისთვის. ისინი ყველანაირად ცდილობენ, რომ ჩაუკეტონ და ჩაუკმინდონ ხმა და მათი პოზიცია და დამოკიდებულება არ ისმოდეს საჯაროდ,“- განაცხადა რომან გოცირიძემ.