გაერთიანებული ოპოზიცია „ძალა ერთობაშიას“ სოციალური მიმართულების წევრები, სოციალურად დაუცველის სტატუსის მქონე პირებისთვის, საარსებო შემწეობის შეჩერება-შეწყვეტის საკითხთან დაკავშირებით არსებულ ორმაგ სტანდარტზე საუბრობენ. დღეს გამართულ ბრიფინგზე, თეონა ჭალიძემ და სერგო ჩიხლაძემ, ჯანდაცვის სამინისროდან პასუხად მიღებული დოკუმენტი გაასაჯაროვეს, სადაც მსგავსი ცვლილებების განხორციელებაზე უწყების მხრიდან უარი გაცხადებული.

„უკანასკნელი ორი წლის მანძილზე, ჩვენ არაერთხელ მივმართეთ ჯანდაცვის სამინისტროს. მიმართვისას, ვითხოვდით სოციალურად დაუცველის სტატუსის მქონე პირებისთვის, საარსებო შემწეობის შეჩერება-შეწყვეტის საფუძვლების გადახედვას. შემუშავებული გვქონდა კონკრეტული ინივიატივებიც. ჩვენი მრავალგზის მცდელობის შემდეგ, უწყებიდან მივიღეთ წერილობითი პასუხი, სადაც ჯანდაცვის მინისტრი გვეუბნება, რომ ,,მსგავსი ცვლილებების ინიცირება, ეწინააღმდეგება საქართველოს საარჩევნო კოდექსს“. „ - განაცხადა თეონა ჭალიძემ.

როგორც „ძალა ერთობაშიას“ საარჩევნო შტაბში გამართულ ბრიფინგზე აღნიშნეს, 2017 წლის 18 სექტემბერს, ადგილობრივი თვითმმართველობის არჩევნებამდე ერთი თვით ადრე, ოპოზიციამ, ცვლილებები ვერ განხორციელდებოდა საარჩევნო კოდექსთან შეუსაბამობის გამო.

„აღსანიშნავია, რომ ჯანდაცვის სამინისტრომ, ეს ინიციატივები გაითვალისწინა მხოლოდ 2018 წლის არჩევნების წინა პერიოდში. მიუხედავად იმისა, რომ ჯანდაცვის მინისტრი, დავით სერგეენკო, 2017 წლის მაისში, ხაზს უსვამდა, რომ მსგავსი ინიციატივები არ ექვემდებარება განხილვას, რადგანაც წარმოადგენს საბიუჯეტო რესურსის არამიზნობრივ ხარჯვას. მე მიჩნდება კითხვა, თუ ამ პერიოდის განმავლობაში, როდესაც ჩვენ არაერთხელ მივმართეთ ჯანდაცვის მინისტრს, შეუძლებელი იყო არნიშნული ინიციატივების განხორციელება, რატომ გახდა მათი მიღება შესაძლებელი მხოლოდ ახლა?! პასუხი ნათელია, „ქართული ოცნება“ არჩევნების წინ, ამომრჩევლების გულის მოსაგებად იტყვის ყველაფერს, რაც სხვა დაპირებებივით, მხოლოდ დაპირებად დარჩება. რეალურად, კი მათ ადამიანების ბედი არ აღელვებთ“- განაცხადა სერგო ჩიხლაძემ.