შვილმოკლული მამების უარი თბილისის მერიას - ზაზა სარალიძე და მალხაზ მაჩალიკაშვილი პარლამენტის შენობასთან აქციის შეწყვეტას არ აპირებენ

პოლიტიკა - 12:24, 09 Nov, 2018

1000

თბილისის მერიის წერილს ზაზა სარალიძემ და მალხაზ მაჩალიკაშვილმა უარით უპასუხეს. საქმე ეხება პროტესტის ლოკაციის შეცვალას, რადგან მერიაში მიიჩნევენ, რომ საახალწლო სამზადისში და ნაძვის ხის დადგმაი პარლამენტის შენობის წინ აქცია ხელს შეუშლის.

„ამ წერილით ხელისუფლება გვეუბნება რომ ხელს ვუშლით ვიღაცეებს. ეს თხოვნაა არის თუ რაც არის ვერ გავითვალისწინებთ. ჩვენ აქ ვდგავართ სამართლიანობის აღდგენის მიზნით. ჩემი შვილი მიწაში წევს და პირდაპირ მეუბნება სახელმწიფო და ხელისუფლება რომ არაფერს არ გავაკეთებთ თქვენს დასაკმაყოფილებლად. ეს გამოდის ასე ამ წერილით და არა მარტო, რომ ნაძვის ხე უნდა აღვმართოთ და ჩვენ ხელს ვუშლით. პირდაპირ გვითხრა დღეს ხელისუფლებამ რომ სადაც გინდათ იქ იყავით ჩვენ არანაირი ნაბიჯს არ გადავდგამთ თქვენ მოთხოვნაზე. არ მისცემენ პასუხისგებაში ჩვენი შვილების მკვლელებს და საერთოდ არაფრის გამოძიებას არ აპირებენ ეს წერია პირდაპირ ამ წერილში. ეს არის პირდაპირ კალაძის ხელმოწერით" - აღნიშნა ზაზა სარალიძემ.

თბილისის მერიამ შვილმოკლულ მამებს 7 დეკემბრამდე რუსთაველის გამზირის გათავისუფლებისკენ მოუწოდა.