"არასოდეს არ მითქვამს ეს მე" - ზურაბიშვილის მტკიცებით, არასდროს უთქვამს, რომ ომი საქართველოს ხელისუფლებამ დაიწყო

პოლიტიკა - 16:37, 08 Nov, 2018

2281

როგორც მომავალი პრეზიდენტი ასეთი იქნება ჩემი კამპანია - უთხრა "ქართული ოცნების" მიერ მხარდაჭერილმა საპრეზიდენტო კანდიდატმა ატოცში, საოკუპაციო ხაზთან შეკრებულ ჟურნალისტებს.

ზურაბიშვილი დღეს ქარელის არაონში ჩავიდა.
"ადამიანებმა უნდა გააკეთონ საკუთარი არჩევანი და მე, როგორც პრეზიდენტი ვაჩვენებ მათ ამ მომავალს"- განაცხადა მან.
ჟურნალისტები დაინტერესდნენ 11 დღე იყო საჭირო იმისთვის, რომ კანდიდატს პოზიცია დაეფიქსირებინა, რაზეც მან აღნიშნა, რომ "აქ ჩამოვედი, იმიტომ რომ გარემოებამ მოითხოვა".
სალომე ზურაბიშვილმა არ უპასუხა გენშტაბის ყოფილ უფროსს დევი ჭანკოტაძეს, რომელიც ამბობს, რომ "საქართველოს პრეზიდენტი არ შეიძლება იყოს ის ადამიანი, ვინც დაადანაშაულებს საქართველოს ომის დაწყებაში"
"არაფერს არ ვუპასუხებ არავის. მე აქ ჩამოსული ვარ იმიტომ, რომ ვისაუბრო ჩემს გეგმებზე, როგორი პრეზიდენტი ვიქნები, რომელიც არ დაუშვებს აყვეს პროვოკაციებს. რომელიც დაიცავს ამ ქვეყანას და მის მოქალაქეებს. მუშაობა არის საჭირო ჩვენს პარტნიორებთან ერთად, რომ გავაძლიეროთ საოკუპაციო ხაზზე უსაფრთხოება და ამავე დროს ეს არ გადავაქციოთ საზღვრად. ძალიან რთული ბალანსია დასაჭერი"- აღნიშნა ზურაბიშვილმა.

კითხვაზე აქვს თუ არა იგივე პოზიცია, რომ 2008 წელს საქართველოს ხელისუფლებამ დაბომბა საკუთარი ტერიტორიამ სალომე ზურაბიშვილმა თქვა, რომ "ასეთი არაფერი უთქვამს".

"არასოდეს არ მითქვამს ეს მე"- განაცხადა სალომე ზურაბიშვილმა, რის შემდეგაც მედიის წარმომადგენლები დაინტერესდნენ, სალომე ზურაბიშვილის პოზიციით - ვინ დაიწყო ომი, რაზეც პრეზიდენტობის კანდიდატმა აღნიშნა, რომ ამ კითხვას არაერთხელ გასცა პასუხი.

"მინდა დღეს გესაუბროთ ჩემს გეგმებზე, როგორი იქნება პრეზიდემნტი, რომელიც არ დაკარგავს ტერიტორიებს. გააძლიერებს ჩვენს საზღვრებს და მოსახლეობის უსაფრთხოებას დაიცავს"- განუცხადა ზურაბიშვილმა მედიის წარმომადგენლებს და იქვე დასძინა, რომ გაპრეზიდენტების შემთხვევაში ის ავღანეთში დისლოცირებულ ქართულ შენაერთებს მოინახულებს.
რაც შეეხება გავრცელებულ ინფორმაციას, რომ "ქართული ოცნების" გადაწყვეტილებით არ ჩანდა ის ბოლო დღეებში მედიასთან, ზურაბიშვილმა თქვა, რომ "ის საოკუპაციო ხაზთან განცხადების გასაკეთებლად მოვიდა და არა ამ საკითხებზე სუაბრისას".